Гурвантэс сумын спорт зааланд хүүхэд, залуучууд өөрсдийн дуртай спортоор хичээллэн эрүүл чийрэг, өөртөө итгэлтэй тэсийн ирээдүй болсон иргэдийг спортоор төлөвшүүлэх орчин нөхцөл бүрдүүлэх.
Гурвантэс сумын 70 жилийн ойг тохиолдуулан тус сумын ахмад настай ээжүүдийн түүхийг эмхэтгэн ном болгох байдлаар хувь хүмүүс төдийгүй сумын түүхийн нэгэн хэсгийг баримтжуулах.
Өмнөговь аймгийн Гурвантэс сумын Морин заг баг буюу Шивээ хүрэн хилийн боомт нь засаг захиргааны нэгжээс алслагдсан байрлалтай учир тэнд амьдардаг сумын уугуул болон уул уурхайн компани, хил гаалийн байгууллагад ажилладаг иргэд, хилийн боомтоор зорчих иргэд төрийн зарим үйлчилгээг яаралтай авахад бэрхшээлтэй байдаг тул төрийн үйлчилгээг шуурхай авах нөхцөл бүрдүүлэх шаардлагатай.
Гурвантэс сумын ЗДТГ-ын харьяа “Идэр” бөхийн дэвжээ байгуулагдан хүүхэд залуусыг бөхийн спортоор хичээллүүлж аймаг, бүс, улсын чанартай уралдаан тэмцээнд оролцуулж багагүй амжилт гаргаж байгаа юм.
Гурвантэс сумын ЗДТГ сумынхаа орон нутгийн өмчит бүртгэлтэй өвлийн хүлэмжийг тус сумын төвд амьдардаг хөгжлийн бэрхшээлтэй иргэдтэйгээ гэрээ байгуулан эзэмшүүлж, хөгжлийн бэрхшээлтэй хэдий ч ажил хөдөлмөр эрхлэх боломжтой иргэд ээлжлэн ногоо тарьж борлуулан ажиллаж хөдөлмөрлөх боломжоор ханган ажиллаж байгаа.