ТӨСЛИЙН ҮНДЭСЛЭЛ:

2017 онд Өмнөговь аймгийн бүсийн оношилгоо эмчилгээний төвийн төрөх эмэгтэйчүүдийн эмнэлэг ашиглалтад орсон бөгөөд жилдээ тус төрөх тасгаар 1800-2000 гаруй жирэмсэн эмэгтэй үйлчлүүлдэг, ойролцоогоор үүний 20% нь мэс заслаар төрдөг, 20% нь хүндрэлтэй төрдөг гэсэн тоо баримтууд байна. Дээрх хүндрэлтэй, хагалгаагаар төрж буй эмэгтэйчүүдийг тасаг хооронд, хагалгааны дараа болон өмнө цахилгаан шатаар тэргэнцэр дээр зөөвөрлөдөг. Гэвч энэ тасгийн хоёр цахилгаан шатны нэг нь эвдрээд 2 жил болж жирэмсэн эмэгтэйчүүд болон тус тасгийн эмч, ажилтнуудын ажилд хүндрэл учирч байсан.

ТӨСЛИЙН ЗОРИЛГО:

 Бүсийн оношилгоо эмчилгээний төвийн үйлчлүүлэгчдэд эмнэлгийн тусламж үйлчилгээг түргэн шуурхай хүртээмжтэй хүргэх, эмч, ажилчдын ажиллах орчин нөхцөлийг сайжруулах.

ТӨСЛИЙН ХЭРЭГЖИЛТ:

•  “Бүсийн оношилгоо эмчилгээний төвийн эмэгтэйчүүдийн төрөх тасгийн лифтний засвар” төслийг “Говийн оюу хөгжлийг дэмжих сан”-ийн Удирдах зөвлөлийн 2025 оны 10 дугаар тогтоолоор 19,817,146 төгрөгөөр санхүүжүүлэхээр батлав.
•  “Бүсийн оношилгоо эмчилгээний төвийн эмэгтэйчүүдийн төрөх тасгийн лифтний засвар” гүйцэтгэгчээр “Оюут мэргэн” ХХК ажиллаж төслийн ажлыг улсын комисст хүлээлгэж өгсөн.

ҮР ДҮН:

•  Үйлчлүүлэгч тав тухтай орчинд эрүүл мэндийн тусламж үйлчилгээ авна.
• Эмч, эмнэлгийн ажилтнуудын ажиллах орчин, нөхцөл сайжирна.