ТӨСЛИЙН ҮНДЭСЛЭЛ:
Сэврэй сумын 20-р цэцэрлэг нь 62 дахь жилдээ үйл ажиллагаа явуулж байгаа бөгөөд 2024-2025 оны хичээлийн жилд өдрийн ангийн 106, тойргийн 180 хүүхдийг хамруулж, 9 багш нийт 14 ажилтны орон тоотой үйл ажиллагаагаа явуулж байна. Тус цэцэрлэг нь 2018 онд Говийн оюу хөгжлийг дэмжих сангийн санхүүжилтээр хэрэгжүүлсэн “Бид хөгжинө” төслийн хүрээнд сэтгэхүй хөгжүүлэх тоглоом болон сургалтын хэрэглэгдэхүүнээр хангагдаж байсан. Харин одоогоор гадна тоглоомын талбай байгуулах төсөв хөрөнгөний асуудалтай байгаа тулд санд дахин төсөл бичсэн байна.
ТӨСЛИЙН ЗОРИЛГО:
Сэврэй сумын цэцэрлэгт хамрагдаж буй хүүхдүүдэд зориулж нас насанд нь тохирсон тоглоомтой талбай тохижуулах.
ТӨСЛИЙН ХҮРЭЭНД ХИЙГДСЭН АЖИЛ:
Сэврэй сумын Цэцэрлэгт гадна талбайн тоглоом, хэрэгсэл нийлүүлж тохижуулсан.
ТӨСЛИЙН ҮР ДҮН:
- Цэцэрлэгийн хүүхдүүд аюулгүй орчинд бэртэж гэмтэх эрсдэлгүй хамтдаа хөгжиж, хүмүүжих, бие бялдар, хөдөлгөөний эвсэлтэй болох таатай нөхцөл бүрдэнэ.
- Сургуулийн өмнөх боловсрол олгох үйл ажиллагааг чанар, хүртээмжтэй явуулахад эерэг дэмжлэг болно.