ТӨСЛИЙН ҮНДЭСЛЭЛ:

 “Ханбогд сумын хөгжлийн ерөнхий төлөвлөгөө 2040”-ийг хэрэгжүүлэх ажил эрчимтэй хэрэгжиж тус сумын төвд шинээр олон барилга байгууламжууд баригдаж одоо байгаа уурын зуухны ачаалал хүрэлцэхгүй байгаагаас гадна шинээр баригдаж буй ус, дулаан дамжуулах төвүүдийн хэрэглэгчийн ачаалал хэтрэх тооцоололтой байна. Тиймээс цаашид баригдаж буй орон сууц, сургууль цэцэрлэг, төлөвлөгдөж буй барилга байгууламжийг шаардлагатай дулаанаар хангахын тулд шинээр хоёр ус дулаан дамжуулах төв бий болгох ажлыг эхлүүлэх шаардлагатай байгаа.

ТӨСЛИЙН ЗОРИЛГО:

Ханбогд сумын төвийн өсөн нэмэгдэж буй дулааны эрчим хүчний хэрэглээг найдвартай, тогтвортой хангахад дэмжлэг болох.

ТӨСЛИЙН ХЭРЭГЖИЛТ:

• “Ханбогд сумын хөгжлийн ерөнхий төлөвлөгөөний дагуу УДДТ-7, болон УДДТ-8 дэд төв, шугам сүлжээний зураг төсөл боловсруулах” төслийг “Говийн оюу хөгжлийг дэмжих сан”-ийн Удирдах зөвлөлийн 2025 оны 10 дугаар тогтоолоор 240,000,000 төгрөгөөр санхүүжүүлэхээр батлав
• Өмнөговь аймгийн ЗДТГ-т төслийн гүйцэтгэгчээр “Креатив энержи инженеринг” ХХК-г сонгон шалгаруулсан бөгөөд захиалагч Өмнөговь аймгийн ЗДТГ, санхүүжүүлэгч "Говийн оюу хөгжлийг дэмжих сан", гүйцэтгэгч хооронд санхүүжилтийн гэрээ байгуулж төслийн хэрэгжилтийг эхлүүлсэн.

ҮР ДҮН:

• Ханбогд сумын төвийн иргэд, албан байгууллагууд дулааны найдвартай эх үүсвэрээр үйлчлүүлж ая тухтай амьдарч ажиллах нөхцөл сайжирна.
• УДДТ-7, УДДТ-8 ус дулаан дамжуулах төвүүдийг байгуулснаар 2026 онд ашиглалтад орох ахмадын өргөө, 280 хүүхдийн цэцэрлэг, 960 хүүхдийн сургууль, спорт цогцолбор зэрэг барилгуудын дулаан хангамж шийдэгдэнэ.