ХӨТӨЛБӨРИЙН ҮНДЭСЛЭЛ:
       Цогт-Овоо сумын ЗДТГ нь шинээр баригдсан удирдлагын ордондоо нүүж ороод удаагүй байгаа ба энэхүү байрандаа 50.25мкв талбай бүхий нэг өрөөг цай, амралтын өрөөний зориулалтаар тохижуулахаар төлөвлөсөн. Тус өрөөнд ажилтнууд завсарлагааны үеэр амрах, цай, кофе уух, хөнгөн зууш, хоол идэх, мөн томилолтоор тус суманд ажиллаж буй зочид төлөөлөгч нарт цэвэрхэн, тохилог орчин болгон ашиглах боломжтой болох юм.
 

ХӨТӨЛБӨРИЙН ЗОРИЛГО:
       Цогт-Овоо сумын Засаг даргын тамгын газрын албан хаагчдын эрүүл мэнд, ажлын бүтээмжийг дэмжих, тав тухтай орчинд амарч цай, хөнгөн зууш, хоол идэх боломжийг бүрдүүлэх.

ТӨСЛИЙН ХҮРЭЭНД ХИЙГДСЭН АЖИЛ:
      Гүйцэтгэгч “Түвшин хоймор” ХХК нь Цогт-Овоо сумын ЗДТГ-т гэрээний дагуу тус амралтын өрөөнд шаардлагатай 15 нэр төрлийн 301 ширхэг тоног төхөөрөмж, эдлэл хэрэгсэл нийлүүлж амралтын өрөөг тохижуулсан.
 

ТӨСЛИЙН ҮР ДҮН:

• Цогт-Овоо сумын ЗДТГ-ын ажилтан, албан хаагчид завсарлагааны соёлд төлөвшин ажлын стресс, ядаргааны түвшин буурч ажилчдын уур амьсгал таатай болж эрүүл мэнд, цаг хугацаанд эерэг нөлөө үзүүлнэ.
• Цогт-Овоо сумын ЗДТГ-ын ажилчид, албан хаагчид, тус сумыг зорин ирсэн зочид төлөөлөгч нар цэвэрхэн, тохилог орчинд цай, хоол идэх, завсарлагааны үеэр амрах газартай болсон.