ХӨТӨЛБӨРИЙН ҮНДЭСЛЭЛ:
Баян-Овоо сумын Б.Доржийн нэрэмжит 9 жилийн сургуульд 31 багш ажилчид ажиллаж, 235 хүүхэд суралцдаг. Багш сурагчдыг хөгжүүлэх сургалт, олимпиад уралдаан тэмцээнд оролцуулах, бусад сургуулиудын багш, сурагчдын туршлага судлах, тайлан мэдээг цаг хугацаанд нь хүргэх боломж бүрдүүлэх, цаг хугацаа алдалгүй, найдвартай тээврийн хэрэгслээр зорчуулах шаардлагатай байдаг. Баян-Овоо сумаас аймгийн төв рүү хувийн унаагаар зорчиж буй иргэдийн тээврийн хэрэгслээр зорчдог байсан нь замдаа саатах, тухайн хувь хүний товлосон ажил нь цуцлагдаж хот хооронд явахаа болих зэргээр сургалт, уралдаан тэмцээнд оролцохоор төлөвлөсөн ажилдаа хоцрох, оролцох ажлаа цуцлах зэргээр сургалт, хүмүүжлийн ажилд хүндрэл учирдаг.
ХӨТӨЛБӨРИЙН ЗОРИЛГО:
- Багш, ажилтан, сурагчид хөгжих боломж бүрдэнэ.
- Сургуулийн удирдах ажилтнууд, багш ажилчид сургалт семинарт товлосон хугацаанд хамрагдах боломжтой болно.
- Сурагчид улс, аймаг, бүсийн тэмцээнд бүрэн бүрэлдэхүүнээр оролцох боломжтой болно.
- Автомашинд зорчих нормыг ханган найдвартай, тухтай зорчих боломжтой болно.
ХӨТӨЛБӨРИЙН ХҮРЭЭНД ХИЙГДСЭН АЖИЛ:
10 хүний суудалтай УАЗ-Фургон маркийн автомашиныг Баян-Овоо сумын дунд сургуульд хүлээлгэн өгсөн.
ХӨТӨЛБӨРИЙН ҮР ДҮН:
- Сурагчдын амралтаар багш нараа сургалтанд хамруулах, ажлын байран дээр нь хэрэгцээтэй сургалтыг зохион байгуулах багшийг урьж авч ирэх боломжтой болсон
- Сургуулийн 31 багш ажилтан сургалт семинар зохион байгуулагдах бүрт замын унаа хайхгүйгээр байгууллагын машинаар явах боломжтой болсон.
- Сургуулийн 235 сурагчдыг олимпиад, уралдаан тэмцээн бүрт оролцуулах боломж бүрдсэн.
- Багш ажилтан, сурагчдыг өөр сургуулийн туршлагаас суралцуулах, өөрсдийн сургуулийн туршлагыг түгээнэ.
- Багш, ажилтныг эрүүл мэндийн үзлэг шинжилгээнд байгууллагын машинаар аюулгүй зорчуулах боломжтой болсон.