“ГОВИЙН ОЮУ ХӨГЖЛИЙГ ДЭМЖИХ САН” -ЫН УДИРДАХ ЗӨВЛӨЛ ТУС САНГААС 2026 ОНД САНХҮҮЖҮҮЛЭХ ЗАРИМ ТӨСӨЛ, ХӨТӨЛБӨРИЙГ БАТАЛЛАА
“Оюу толгой” компанийн хөрөнгө оруулалттай “Говийн оюу хөгжлийг дэмжих сан”-ийн Удирдах зөвлөл 2026.03.24-ны өдөр хуралдаж Өмнөговь аймгийн ЗДТГ-аас сангийн ажлын албанд ирүүлж, Хамтын ажиллагааны гэрээний Харилцааны хорооны хурлаар хэлэлцсэн төслийн саналуудыг хэлэлцэж, “Говийн оюу хөгжлийг дэмжих сан”-ийн санхүүжилтээр дараах 8 төсөл, хөтөлбөрүүдийг 2026 онд санхүүжүүлэхээр шийдвэрлэлээ.
- Өмнөговь аймгийн Нийгмийн эрүүл мэндийг дэмжих төв, эрүүл мэндийн газрын барилга барих төсөл
- Хүүхдийн паркийн ерөнхий төлөвлөгөөний дагуу барилга, байгууламж, тоног төхөөрөмж суурилуулах төсөл
- Буянт хотхон хүүхдийн зусланд усан оргилуур, задгай театр барих төсөл
- Өмнөговь аймгийн Даланзадгад суманд шинээр баригдах 50МВт-ын дулааны цахилгаан станцыг эрчим хүчний нэгдсэн системд холбогдох зураг төсөл боловсруулах
- “Боловсрол Өмнөговь” 2024-2028 онд 5 жилийн хугацаанд хэрэгжих боловсролын хөтөлбөрийн 3 дахь жил буюу 2026 оны санхүүжилт
- “Өмнөговь аймгийн иргэдийн эрүүл мэндийг дэмжих” 2024-2028 онд 5 жилийн хугацаанд хэрэгжих эрүүл мэндийн салбарын цогц хөтөлбөрийн мөн 3 дахь жил буюу 2026 оны санхүүжилт
- Байгаль орчны шинжилгээний говийн бүсийн төв лаборатори шаардлагатай тоног төхөөрөмжөөр хангах төсөл
- Соёлын түүх дурсгалт газруудад кадастр хийлгэх төсөл зэрэг төслийг нийт 12.5 төгрөгөөр санхүүжүүлнэ.
Үүнээс онцлох төслүүдийн хувьд:
Нийгмийн эрүүл мэндийн төвийн барилгыг нь батлагдсан зураг төсвийн дагуу 13.3 тэрбум төгрөгөөр санхүүжүүлэхээс 2026 онд 5.5 тэрбум төгрөгөөр санхүүжүүлнэ.
Даланзадгадад шинээр баригдах 50МВт-ын дулааны станцын нийт 5 томоохон зураг төсөл хийлгэхээс 2-ийг нь “Говийн оюу хөгжлийг дэмжих сан”-аас санхүүжүүлж байгаа юм.
ГОВИЙН ОЮУ ХӨГЖЛИЙГ ДЭМЖИХ САН
