Манлай сумын ЕБС-ийн хиймэл зүлэг бүхий хөл бөмбөгийн талбай байгуулах
Хөл бөмбөг нь дэлхийн хамгийн олон хөгжөөн дэмжигчидтэй өргөн тархсан спорт юм. Тус спортоор хичээллэх нь эрүүл мэндийн олон талын ач холбогдолтойгоос гадна багаар ажиллах чадварыг хөгжүүлэх, хурдан сэтгэх, аливаа асуудалд дүн шинжилгээ өгөх чадвар хөгжих, тэсвэр хатуужил, хувийн сахилга сайтай болох, нийтэч болох, стресс бухимдлыг арилгах, өөрийгөө хүндлэх, өөртөө итгэлтэй болох зэргээр хүүхэд залуусыг зөв төлөвшүүлэх олон сайн талтай спортын төрөл юм. Манлай сумын Ерөнхий боловсролын сургуульд одоогийн байдлаар 375 хүүхэд суралцаж байгаа бөгөөд сумын хэмжээнд тусгайлсан хөл бөмбөгийн талбай байхгүй байгаа нь хүүхэд залуус тус спортоор хичээллэх боломж нөхцөл бүрдэж эхлээгүй байна.
Манлай сумын цэцэрлэгийн барилга
Манлай сумын 15-р цэцэрлэг нь 2013 онд ашиглалтанд орсон 100 хүүхдийн хүчин чадалтай цэцэрлэгийн барилгатай. 2018-2019 оны хичээлийн жилд 8 багш, 6 ажилтантайгаар 130 хүүхэд хамруулан ажилласан байна. Гэвч энэ нь цэцэрлэгийн барилгын хүчин чадлаас хамаарч тойргийн хэмжээнд байгаа 267 хүүхдийн 50% ийг л цэцэрлэгт хамруулсан тоон үзүүлэлт юм.
Манлай сумын эрүүл мэндийн төвийн зураг төсөв
Манлай сумын Эрүүл мэндийн төв нь 1938 онд байгуулагдсан бөгөөд 2018 онд 80 жилийн ойтойгоо золгож байна. Манлай сумынхаа ууган, гол байгууллагуудын нэг бөгөөд орон нутгийнхаа иргэдэд эрүүл мэндийн тусламж үйлчилгээ үзүүлэн ажилладаг. 1997 онд ашиглалтанд орсон хуучин барилга нь өнөөгийн стандарт шаардлага хангахгүй болсон, ариутгал, угаалга зэрэг зохион байгуулалт буруу зэрэг нь халдвар хамгааллын дэглэмийг зөрчдөг, эмнэлгийн үйл ажиллагаанд эрсдэл үүсгэдэг.
Манлай сумын уурын зуух
Манлай сумын одоо байгаа уурын зуух 330 хүүхдийн хичээлийн байрнаас 33 метр,125 хүүхдийн цэцэрлэгээс 17 метр, 77 хүүхдийн дотуур байрнаас 28 метрийн зайд байрлан үйл ажиллагаа явуулж олон жилийн турш өсвөр залуу үеийн болон 100 гаруй айл өрхийг нүүрс үнс, уурын зуухны утаа, агаарын бохирдолд автуулсаар ирсэн.
