ТӨСЛИЙН ҮНДЭСЛЭЛ:

Хөл бөмбөг нь дэлхийн хамгийн олон хөгжөөн дэмжигчидтэй өргөн тархсан спорт юм. Тус спортоор хичээллэх нь эрүүл мэндийн олон талын ач холбогдолтойгоос гадна багаар ажиллах чадварыг хөгжүүлэх, хурдан сэтгэх, аливаа асуудалд дүн шинжилгээ өгөх чадвар хөгжих, тэсвэр хатуужил, хувийн сахилга сайтай болох, нийтэч болох, стресс бухимдлыг арилгах, өөрийгөө хүндлэх, өөртөө итгэлтэй болох зэргээр хүүхэд залуусыг зөв төлөвшүүлэх олон сайн талтай спортын төрөл юм. Манлай сумын Ерөнхий боловсролын сургуульд одоогийн байдлаар 375 хүүхэд суралцаж байгаа бөгөөд сумын хэмжээнд тусгайлсан хөл бөмбөгийн талбай байхгүй байгаа нь хүүхэд залуус тус спортоор хичээллэх боломж нөхцөл бүрдэж эхлээгүй байна.

ТӨСЛИЙН ЗОРИЛГО:

Хөл бөмбөгийн спортыг сумандаа түгээн дэлгэрүүлж цаашлаад сумаасаа уг спортоор улс, аймгийн тэмцээнүүдэд оролцох, амжилт гаргах боломжийг бий болгох.

ТӨСЛИЙН ХЭРЭГЖИЛТ:

• “Сургуулийн хөл бөмбөгийн талбай” төслийг “Говийн оюу хөгжлийг дэмжих сан”-ийн Удирдах зөвлөлийн 2024 оны 02 дугаар тогтоолоор 397,879,830 төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Нагури констракшн” ХХК, санхүүжүүлэгч "Говийн оюу хөгжлийг дэмжих сан” санхүүжилтийн гуравласан гэрээг байгуулснаар төслийг эхлүүлэв.

ҮР ДҮН:

• Манлай сумын ЕБС-ийн сурагчид болон тус сумын иргэд чөлөөт цагаа зөв боловсон өнгөрүүлэх стандартын хөл бөмбөгийн талбайтай болно
• Хүүхэд залуусын бие бялдар, хүмүүжилд олон эерэг үзүүлэлтүүд бий болоход дэмжлэг болно
• Сум, сургуулийн өнгө үзэмж сайжирна.