ТӨСЛИЙН ҮНДЭСЛЭЛ:

Манлай сумын Эрүүл мэндийн төв нь 1938 онд байгуулагдсан бөгөөд 2018 онд 80 жилийн ойтойгоо золгож байна. Манлай сумынхаа ууган, гол байгууллагуудын нэг бөгөөд орон нутгийнхаа иргэдэд эрүүл мэндийн тусламж үйлчилгээ үзүүлэн ажилладаг. 1997 онд ашиглалтанд орсон хуучин барилга нь өнөөгийн стандарт шаардлага хангахгүй болсон, ариутгал, угаалга зэрэг зохион байгуулалт буруу зэрэг нь халдвар хамгааллын дэглэмийг зөрчдөг, эмнэлгийн үйл ажиллагаанд эрсдэл үүсгэдэг. Өмнөговь аймгийн хамгийн зүүн захад байрладаг Манлай сумын газар зүйн байршлаас шалтгаалан иргэд, малчид тэр бүр аймгийн төв болон бусад нарийн мэргэжлийн эмнэлэгт үзүүлж үйлчилгээ аваад байх бололцоо муутай, сумын уугуул 2600 аад иргэдээс гадна хөдөлгөөнт хүн ам ихээхэн нэмэгдэж тэдэнд зориулсан эмнэлгийн тусламж үйлчилгээний чанар хүртээмжийг сайжруулах, уг үйлчилгээг хүргэх суурь нөхцөл болсон  эмнэлгийн барилга, хүчин чадал, орчныг сайжруулах шаардлагатай байгаа.

ТӨСЛИЙН ЗОРИЛГО:

Стандартын шаардлагад нийцсэн орчин үеийн шийдэлтэй эмнэлгийн барилгын зураг төсөлтэй болох

ТӨСЛИЙН ХЭРЭГЖИЛТ

• “Говийн Оюу хөгжлийг дэмжих сан”-гийн 2018 оны 3 сарын 15-ны өдрийн 06 дугаар тогтоолоор Манлай сумын Эрүүл мэндийн төвийн шинэ барилгын зураг төсөл хийлгэх төслийг  дэмжиж санхүүжилтийг батлав. 
• Захиалагч аймгийн ЗДТГ гүйцэтгэгчийн сонгон шалгаруулж гэрээ байгуулсны дагуу Захиалагч аймгийн ЗДТГ, гүйцэтгэгч “Бест дизайн констракшн” ХХК-тай санхүүжүүлэгч "Говийн Оюу хөгжлийг дэмжих сан” санхүүжилтийн гэрээ байгуулснаар зураг төслийн ажлыг эхлүүлэв.
• Гүйцэтгэгч “Бест дизайн констракшн” компани захиалагч Өмнөговь аймгийн ЗДТГ, Манлай сумын ЗДТГ, Эрүүл мэндийн төвтэй хамтран ажиллаж зураг төслийн ажлыг гэрээний дагуу хугацаанд нь чанартай гүйцэтгэж магадлалаар батлуулан хүлээлгэж өгсөн.

ҮР ДҮН:

Өмнөговь аймгийн Манлай сумын Эрүүл мэндийн төвийн барилгын бэлэн зураг, төсөлтэй боллоо.