ТӨСЛИЙН ҮНДЭСЛЭЛ:

2022 онд Ханбогд сум Дулааны станцын барилга, тоноглол, сумын төвийг бүхэлд нь хамруулсан дулааны 1, 2-р хэлхээний шугам сүлжээ, дулаан дамжуулах төвүүд гэх мэтээр иж бүрэн зураг төсөв хийлгэж Барилга хөгжлийн төвөөр батлуулсан. Одоогоор тус станцын барилга баригдаж дуусаж улсын комисст хүлээлгэн өгөх шатанд байгаа хэдий ч ус, дулаан дамжуулах төвүүд болон гадна шугам сүлжээний ажлууд эхлээгүй хэвээр байгаа тул дээрх ажлуудыг үе шаттай эхлүүлэх шаардлагатай байсан. Мөн сумын одоогийн уурын зуух нь сумын төвд шаардлагатай дулааны хэрэглээг хангаж чадахгүй болсон.

ТӨСЛИЙН ЗОРИЛГО:

Ард иргэдийг эрүүл, ая тухтай амьдрах орчин нөхцөлийг бүрдүүлэх.

ТӨСЛИЙН ХЭРЭГЖИЛТ:

• “Ханбогд сумын төвийн ус дулаан дамжуулах төв №5, УДДТ-ийн 1, 2-р хэлхээний дулааны шугам” төслийг “Говийн оюу хөгжлийг дэмжих сан”-ийн Удирдах зөвлөлийн 2024 оны 2 дугаар тогтоолоор 1,6 тэрбум төгрөгөөр санхүүжүүлэхээр батлав.
• Өмнөговь аймгийн ЗДТГ-аас төслийн гүйцэтгэгч сонгон шалгаруулах тендер зарлана.

ҮР ДҮН:

• Иргэдийн амьдрах орчин сайжирна
• Ус, дулааны хэрэглэгчийн тоо нэмэгдсэнээр сумын эрчмийн санхүүгийн чадамж дээшлэхэд эерэг дэмжлэг болно
• Шинээр баригдаж буй станцын үйлдвэрлэл шуурхай эхлэхэд дэмжлэг болно.