ТӨСЛИЙН ҮНДЭСЛЭЛ:

Даланзадгад сумын 1-р сургуулийн дэргэдэх 3 байр нь 1971 онд ашиглалтад орсон ба тус барилгуудад 1, 3-р сургуулийн 110 хүүхэд амьдардаг дотуур байр, 7 бүлгийн 500 сурагчийн багтаамжтай бага сургууль, 6 төрлөөр хүүхэд, багш хөгжүүлэх чиглэлээр үйл ажиллагаа явуулдаг “Говийн ирээдүй” сургалтын төв, 1-р сургуулийн дотуур байрны гал тогоо зэрэг байгууллагууд байрладаг. 2024 оны 4, 5 дугаар сард болсон байгалийн гамшигт үзэгдэл шороон шуурганаар дээрх 3 барилгуудын дээвэр хуурч 2-р давхрын өрөө тасалгаанд дусаал гоождог болсноос барилгуудын дотор заслыг муутгаж багш, сурагч, ажилчдын сурч, ажиллах орчин тав тухгүй болгосон тул тус барилгуудын дээврийг яаралтай засварлах зайлшгүй шаардлага тулгарсан.

ТӨСЛИЙН ЗОРИЛГО:

Байгалийн гамшигт өртсөн 3 барилгын дээврийг засварлаж, хүүхдийн эрүүл аюулгүй, тав тухтай сурах орчин бүрдүүлэхэд оршино.

ТӨСЛИЙН ХЭРЭГЖИЛТ:

• “Даланзадгад сумын нэгдүгээр сургуулийн зарим барилгын дээврийн засвар” төслийг “Говийн оюу хөгжлийг дэмжих сан”-ийн Удирдах зөвлөлийн 2024 оны 04 дүгээр тогтоолоор 269,221,570 төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Баяжих галуут” ХХК, санхүүжүүлэгч “Говийн оюу хөгжлийг дэмжих сан” санхүүжилтийн гуравласан гэрээг байгуулснаар төслийг эхлүүлэв.
• 2024-10-16-нд Өмнөговь аймгийн Засаг даргын захирамжаар томилогдсон Улсын комисс “Даланзадгад сумын нэгдүгээр сургуулийн зарим барилгын дээврийн засвар”-ын ажлыг байнгын ашиглалтад хүлээн авсан.

ҮР ДҮН:

• Тус 3 барилгад сурдаг, амьдардаг, ажилладаг, үйлчилгээ авдаг 1000 гаруй хүн үр шимийг нь шууд хүртэнэ
• 3 барилгын өнгө үзэмж, хийцэл сайжирч ашиглалтын хугацаа уртасна.