ТӨСЛИЙН ҮНДЭСЛЭЛ:
      1940 онд байгуулагдсан 85 жилийн түүхтэй тус сумын сургуулийн дотуур байр, 1-р ангийн хичээлийн танхимыг тохижуулснаар сургуульд шинээр элсэн суралцах бяцхан хүүхдүүдийн сурах хөгжих, чөлөөт цагийг зөв өнгөрүүлэх, дотуур байрны сурагчдын амьдрах орчин нөхцөлийг сайжруулах нөхцөл бүрдүүлэх шаардлагатай.
 

ТӨСЛИЙН ЗОРИЛГО:
      Энэхүү төслийн хүрээнд Өмнөговь аймгийн Ханхонгор сумын Ерөнхий боловсролын сургуульд хавсралтад заасан 12 нэр төрлийн 139 ширхэг тавилга, эд зүйл, тоног төхөөрөмжийг бага ангийн тохижилт болон сурагчдын дотуур байрны тохижилтын зориулалтаар нийлүүлнэ.
 

ТӨСЛИЙН ХҮРЭЭНД ХИЙГДСЭН АЖИЛ:

• Ханхонгор сумын ЕБС-ийн 1-р ангийн кабинет тохижуулах зорилгоор сурагч ширээ -20 ширхэг, номын тавиур, багшийн ширээ сандал, шалны хулдаас, хөшиг гэх мэт эд зүйлс, тавилга хэрэгсэл
• Дотуур байранд угаалгын машин 3 ширхэг, гудас 90 ширхэг, телевизор, хөшиг, хөшиг тогтоогч зэрэг тоног төхөөрөмж тавилга хэрэгсэл тус тус нийлүүлсэн

ТӨСЛИЙН ҮР ДҮН:
      Сургуульд шинээр элсэн суралцаж буй бага ангийн хүүхдүүд стандартад нийцсэн ширээ сандал бусад тохижилт бүхий танхимд суралцах, дотуур байранд байрлаж буй хүүхдүүд өдөр тутмын ахуй амьдралын нэн шаардлагатай хэрэгцээтэй нөхцөл сайжирсан.