ТӨСЛИЙН ҮНДЭСЛЭЛ:
       Соёлын биет бус өвийг өвлөн уламжлагчдын түүхийг хадгалж олон нийтэд таниулан сурталчлах, тэдгээр өв уламжлагчдыг мөнхлөх, соёлын өвийг хадгалж хамгаалах, түгээн дэлгэрүүлэх ажил хийгдсэнээр улс үндэстэн бие биеэсээ суралцах, өмнөх үеийн агуу хүмүүсээр бахархах, тэднийг даган дуурайж суралцах гэх мэт сэдлүүд хүмүүст төрдөг байна. Харин Цогтцэций сумын хувьд тус сумаас төрөн гарсан алдартай, авьяастай хүмүүсийн намтар, түүхийг дүрсжүүлэх гэх мэт ажлууд ойрын 10 гаруй жилд хийгдээгүй тул өв соёлоо түгээн дэлгэрүүлэх ажлыг хийж одоо амьд байгаа алдартан, авьяастан хүмүүсийг оролцуулан орчин үеийн чанартай дүрс бичлэгт оруулан мөнхлөх шаардлагатай байна.
 

ТӨСЛИЙН ЗОРИЛГО:
     Өмнөговь аймгийн Цогтцэций сумын дахин давтагдашгүй өв соёлыг богино хэмжээний бичлэг болгож цахим орчинд байршуулах болон архивд хадгалж үлдээх.
 

ТӨСЛИЙН ХҮРЭЭНД ХИЙГДСЭН АЖИЛ:
     Цогтцэций сумын ахмад настнууд, уртын дуу, морины цол, угсаатны хувцас хэрэглэл, аман домог гэх мэт сэдвээр 97 богино бичлэг, ярилцлага хийж олон нийтийн сүлжээгээр цацаж тус сумын 100 жилээр үндэсний өв соёлоо таниулах, сурталчлах, түгээн дэлгэрүүлэх ажил хийсэн.

ТӨСЛИЙН ҮР ДҮН:

• Цогтцэций сумын үүсэл хөгжлийн он дарааллын хуудас, уртын дуу, морин хуур, сур харваа, шагай харваа зэрэг үндэсний өв уламжлалыг хадгалсан өв соёлыг олон нийтэд таниулсан.
• Цогтцэций сумаас төрөн гарсан алдартнууд, тус сумын гайхамшгуудыг хүүхэд багачуудад таниулах ажил хийж мэдлэгийг нь зузаатгасан.
• Цогтцэций суманд жижиг дунд үйлдвэрлэл эрхлэгч, хоршоо, гар урлаачдын ажлыг бусдад сурталчлах ажил хийссэн нь нийтэд ихээхэн хүрч тус сумын жижиг дунд үйлдвэрлэгчдийн орлого нэмэгдэж, үр шим хүртсэн ажил болсон.