ТӨСЛИЙН ҮНДЭСЛЭЛ:
      Цогтцэций сумын сургуулийн дотуур байр 1976 оноос үйл ажиллагаа явуулж эхэлсэн. Түүнээс хойш 2016 онд 20 ширхэг давхар ор буюу 40 хүүхдийн ор нийлүүлсэн ба 2023 оныг хүртэл 7 жил ашиглаж байна. Тус сургуулийн нийт сурагчдын 13 хувь буюу 169 нь малчин өрхийн 1-12 дугаар ангийн хүүхэд байгаа бөгөөд 30 хувь нь дотуур байранд амьдардаг.

       Сурагчид жилийн 250 хоног дотуур байранд амьдарч боловсролын үйлчилгээнд тасралтгүй хамрагдаж байна. Байгаль цаг уурын хүнд нөхцөл байдлаас шалтгаалан отрын малчдын нүүдэл их байгаатай холбоотой жилээс жилд дотуур байранд амьдрах хүүхдийн тоо нэмэгдэж байгаа тул дотуур байрны орчин нөхцөлийг сайжруулах зайлшгүй шаардлага байна. Сургуулийн төсөвт дотуур байрны зардал суугдаагүй тул 10 гаруй жил дотуур байранд хатуу зөөлөн эдлэл,тохижилтын ажил хийгдээгүй учраас одоо ашиглагдаж буй ор, ширээ, сандал, гудас, цагаан хэрэгсэл гэх мэт эдлэл хэрэгслүүд эрүүл чанарын шаардлага хангахгүй байна.
 

ТӨСЛИЙН ЗОРИЛГО:
       Цогтцэций сумын сургуулийн дотуур байранд амьдарч сургуульд сурдаг 50 сурагчдын эрүүл аюулгүй, тохилог, тав тухтай орчин нөхцөл бүрдүүлэх.

ТӨСЛИЙН ХҮРЭЭНД ХИЙГДСЭН АЖИЛ:

• Хүүхдийн амьдрах тасаг, хүүхэд хөгжлийн өрөө, угаалгын өрөө, халуун усны өрөө, эцэг эхийн уулзалтын өрөөнүүдийн тохижилтын ажил хийж дотуур байр руу орох хэсэгт гутал, хувцас агуулах сав/локер/ гэх мэт 462 ширхэг эдлэл хэрэгсэл, тоног төхөөрөмж нийлүүлсэн.
• Мөн гадна дотор камер суурилуулалт, гадна талбайн хогийн сав, явган замын гэрэл, гадна хаалга, өрөөнүүдийн хаалга суурилуулах ажлууд хийж гүйцэтгэсэн.
   

ТӨСЛИЙН ҮР ДҮН:

• Дотуур байрны хүүхдийн амьдрах, амрах тав тухтай орчин нөхцөл бүрдсэн.
• Багш ажилчид ажлын байран дээрээ хөгжих, тав тухтай орчинд ажиллах орчин бүрдсэн.
• Дотуур байрны өнгө үзэмж нэмэгдэж эцэг эх, сурагчдын сэтгэл ханамж дээшилж дотуур байранд амьдрах хүсэлтэй сурагчдыг хүлээн авах боломжтой болсон.