ТӨСЛИЙН ҮНДЭСЛЭЛ:

Даланзадгад сумын үйлдвэрийн бүсийг тогтоож түүнд үйл ажиллагаа явуулах үйлдвэрийн төлөвлөлтийг гаргасан байдаг. Тус бүсэд барилгын чиглэлийн 7, хөнгөн үйлдвэрийн 8, хүнсний үйлдвэрийн 9, малын гаралтай түүхий эд боловсруулах болон бусад чиглэлийн 30 гаруй үйлдвэр үйл ажиллагаа явуулах боломжтой. Уг төлөвлөгөөг хэрэгжүүлэхийн тулд тухайн бүсийн дэд бүтцийн инженерчлэлийн ажлыг шийдэх зайлшгүй шаардлагатай байгаа. 

ТӨСЛИЙН ЗОРИЛГО

Өмнөговь аймгийн Даланзадгад сумын үйлдвэрийн бүсийг эрчим хүчний хүрэлцээтэй, найдвартай эх үүсвэрт холбож, бүсийн дэд бүтцийн зураг төсөл, аймгийн хэмжээний үйлдвэрийн нөөц, төвлөрөн байрлах боломж, бодлогын судалгаа хийх

ТӨСЛИЙН ХЭРЭГЖИЛТ

• “Говийн оюу хөгжлийг дэмжих сан”-ийн Удирдах зөвлөлийн 2022 оны 04 дүгээр сарын 11-ний өдрийн 02 дугаар тогтоолоор “Нутгийн үйлдвэрлэгч” хөтөлбөрийн хүрээнд үйлдвэр,  технологийн паркийг дэд бүтцэд холбох төслийг 1,000,000,000 /нэг тэрбум/ төгрөгөөр санхүүжүүлэхээр батлав.
• Захиалагч аймгийн ЗДТГ “Нутгийн үйлдвэрлэгч” хөтөлбөрийн хүрээнд үйлдвэр, технологийн паркийг дэд бүтцэд холбох ажлын гүйцэтгэгч сонгон шалгаруулж гэрээ байгуулсны дагуу Захиалагч Өмнөговь аймгийн ЗДТГ, гүйцэтгэгч “Алтайн үндэс констракшн” ХХК, санхүүжүүлэгч “Говийн Оюу хөгжлийг дэмжих сан” хооронд санхүүжилтийн гуравласан гэрээг байгуулснаар барилгын ажлыг эхлүүлэв.
• Төслийн хүрээнд Даланзадгад сумын үйлдвэрийн бүсээс аймгийн хуучин цэвэрлэх байгууламж уруу бохир усны гол шугам барих ажил хийгдсэн бөгөөд 2023 оны 10 сарын 13-нд барилга байгууламжийг ашиглалтад оруулах комисст хүлээлгэж өгсөн

ҮР ӨГӨӨЖ

• Орон нутгийн иргэдэд тогтвортой, байнгын ажлын байр бий болох суурь тавигдана
• Өмнөговь аймгийн үйлдвэрлэлийн салбар цогц байдлаар хөгжих боломжтой бичиг баримттай болно