ГҮЙЦЭТГЭГЧ, ГЭРЭЭ БАЙГУУЛСАН ДҮН:
1. ҮЙЛДВЭРИЙН БҮСИЙН ДЭД БҮТЦИЙН ЗУРАГ ТӨСӨВ БОЛОВСРУУЛАХ, “ГРАНД ЛАЙН ПРОЖЕКТ” ХХК, 128,079,000 ТӨГРӨГ
2. “ДАЛАНЗАДГАД СУМЫН ҮЙЛДВЭРЛЭЛИЙН БҮСИЙН 35/10 КВ-ЫН 1*2500 КВА ЧАДАЛТАЙ ДЭД СТАНЦ, 10 КВ-ЫН ХААЛТТАЙ ХУВААРИЛАХ БАЙГУУЛАМЖ ШИНЭЭР БАРИХ”, “ХУЯГ ЭРЧИМ” ХХК, 566,635,952 ТӨГРӨГ
3. “ӨМНӨГОВЬ АЙМГИЙН ҮЙЛДВЭРЛЭЛИЙН НӨӨЦ, КЛАСТЕР, БОДЛОГЫН СУДАЛГААНЫ АЖИЛ”, “РАДИКС” ХХК, 69,900,000 ТӨГРӨГ
4. “35 КВ-ЫН ЦДАШ ШИНЭЭР ТАТАХ-(1КМ)”, “ИХЭР БАЯН ГОВЬ” ХХК, 168,925,023 ТӨГРӨГ

ТӨСЛИЙН ҮНДЭСЛЭЛ:

Даланзадгад сумын хөгжлийн ерөнхий төлөвлөгөөнд үйлдвэржилтийн бүсийг тогтоож түүнд үйл ажиллагаа явуулах үйлдвэрийн төлөвлөлтийг гаргасан байдаг. Тус бүсэд барилгын чиглэлийн 7, хөнгөн үйлдвэрийн 8, хүнсний үйлдвэрийн 9, малын гаралтай түүхий эд боловсруулах болон бусад чиглэлийн 30 гаруй үйлдвэр үйл ажиллагаа явуулах боломжтойгоор төлөвлөсөн байна. Уг төлөвлөгөөг хэрэгжүүлэхийн тулд аймгийн хэмжээний үйлдвэрийн нөөц, кластер, бодлогын судалгаа хийх тухайн бүсийн дэд бүтцийн шугам сүлжээний ажлыг үе шаттайгаар шийдвэрлэх, хэрэгжүүлэх зайлшгүй шаардлагатай байгаа.

ТӨСЛИЙН ЗОРИЛГО:

 Өмнөговь аймгийн Даланзадгад сумын үйлдвэрийн бүсийн дэд бүтцийн зураг төсөл боловсруулах, тус бүсийг эрчим хүчний найдвартай эх үүсвэрт холбох, хангах, аймгийн хэмжээний үйлдвэрийн нөөц, төвлөрөн байрлах боломж, бодлогын судалгаа хийх бөгөөд төслийн хүрээнд дараах ажлууд хийгдэнэ. Үүнд:

• 35 кВ-ын ЦДАШ шинээр татах-(1км)
• Дэд станц шинээр байгуулах
• 10кВ-ын хаалттай хуваарилах байгууламж барих, ДЗ станцад 1 гаргалгаа гаргах
• Үйлдвэрлэлийн бүсийн дэд бүтцийн зураг төсөл боловсруулах
• Аймгийн хэмжээний үйлдвэрийн нөөц, кластер, бодлогын судалгаа

ТӨСЛИЙН ХЭРЭГЖИЛТ:

• “Говийн оюу хөгжлийг дэмжих сан”-ийн Удирдах зөвлөлийн 2021 оны 04 дүгээр сарын 16-ны өдрийн 05 дугаар тогтоолоор “Нутгийн үйлдвэрлэгч” төслийг 1,000,000,000 (нэг тэрбум) төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчдийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, санхүүжүүлэгч “Говийн Оюу хөгжлийг дэмжих сан” нь гүйцэтгэгч “Гранд лайн прожект” ХХК, “Хуяг эрчим” ХХК, “Радикс” ХХК, “Ихэр баян говь” ХХК-уудтай санхүүжилтийн гуравласан гэрээг тус тус байгуулснаар төслийг эхлүүлэв.
•  2022 оны жилийн эцэст төслийн нийт гүйцэтгэл 80% -д хүрэв.

ҮР ДҮН:

• Өмнөговь аймгийн үйлдвэрлэлийн салбар цогц байдлаар хөгжих боломжтой бичиг баримттай болсон.
• Үйлдвэрлэлийн бүс найдвартай эрчим хүчний эх үүсвэрээр хангагдсан.
• Орон нутгийн иргэдэд тогтвортой, байнгын ажлын байр бий болох суурь тавигдсан.