ГҮЙЦЭТГЭГЧ, ГЭРЭЭ БАЙГУУЛСАН ДҮН:
1. ДАТА ТӨВИЙН БАРИЛГЫН ЗУРАГ ТӨСӨВ БОЛОВСРУУЛАХ, “ХЯЗГААРГҮЙ ШУЛУУН” ХХК, 39,900,000 ТӨГРӨГ
2. ДАТА ТӨВИЙН ТЭЗҮ БОЛОВСРУУЛАХ, “ЭС АЙ СИ ЭЙ” ХХК, 78,869,670 ТӨГРӨГ
3. ДАТА ТӨВИЙН ЗАХ ЗЭЭЛИЙН СУДАЛГАА БИЗНЕС МОДЕЛЬ ЭРХ ЗҮЙН ОРЧНЫ СУДАЛГАА ХИЙХ, “МИРИМ КОНСАЛТАНТ” ХХК, 30,642,500 ТӨГРӨГ

ТӨСЛИЙН ҮНДЭСЛЭЛ:

• Өмнөговь аймаг нь уул уурхай, аялал жуулчлал, хөдөө аж ахуйн салбарыг түшиглэн хөгжиж буй аймаг тул цаашид орон нутгийн бизнес эрхлэгчдэд уул уурхайтай холбоотой болон  холбоогүйгээр үүсэх боломж, эрсдэлийг тооцоолон орон нутгийн эдийн засаг, бизнесийн хөгжлийн шинэ түвшинд хүргэн хөгжүүлэх цогц бодлогын баримт бичиг боловсруулах, үе шаттай хэрэгжүүлэх бодит шаардлага тулгарч байна.

ТӨСЛИЙН ЗОРИЛГО:

Өмнөговь аймагт уул уурхайн бус бизнесийг хөгжүүлэх бодлогын хүрээнд Дата төв байгуулах техник эдийн засгийн үндэслэл, зураг төсөл, зах зээлийн судалгаа, бизнес орчны  шинжилгээ, бизнес модель боловсруулах бөгөөд дараах ажлууд хийгдэнэ.
Үүнд:

•  Дата төвийн барилгын зураг төсөв боловсруулна /15*18 м2 харьцаатай 3 давхар барилга/
• Дата төвийн техник эдийн засгийн үндэслэл /ТЭЗҮ/ боловсруулна
• Дата төвийн зах зээлийн судалгаа, бизнес модель, эрх зүйн орчны судалгаа хийнэ.

ТӨСЛИЙН ХЭРЭГЖИЛТ:

• “Говийн оюу хөгжлийг дэмжих сан”-ийн Удирдах зөвлөлийн 2021 оны 04 дүгээр сарын 16-ны өдрийн 05 дугаар тогтоолоор “Өмнөговь аймгийн дата төв байгуулах тэзү, зураг төсөл, зах зээлийн судалгаа боловсруулах” төслийг 152,000,000 (нэг зуун тавин хоёр сая) төгрөгөөр санхүүжүүлэхээр батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, санхүүжүүлэгч “Говийн Оюу хөгжлийг дэмжих сан” нь гүйцэтгэгч “Хязгааргүй шулуун” ХХК, “Эс Ай Си Эй” ХХК, “Мирим консалтант” ХХК-уудтай санхүүжилтийн гуравласан гэрээг тус тус байгуулснаар төслийг эхлүүлэв.
• Төслийн хүрээнд хэрэгжүүлсэн 3 ажил амжилттай хэрэгжиж захиалагч байгууллагад хүлээлгэн өгсөн.

ҮР ДҮН:

• Дата төвийн техникийн шийдэл, ажлын даалгавар, зураг төсөл бүхий баримт бичигтэй болно.
• Өмнөговь аймагт шинээр хөгжих боломжтой гарааны бизнес, мэдээллийн технологийн чиглэлийн компани, төслийг хэрхэн дэмжих стратеги тодорхой болно.
• Орон нутгийн эдийн засаг, бизнесийн хөгжилд баримтлах технологид суурилсан, зардал хэмнэсэн, хүртээмжийг ихэсгэх, бүтээмж өсгөхүйц арга техник зэрэг цогц бодлогыг мэргэжлийн түвшинд хөгжүүлэхэд дэмжлэг болох бодлогын баримт бичигтэй болно.