ТӨСЛИЙН ҮНДЭСЛЭЛ:

      Өмнөговь аймгийн төв Даланзадгад хот нь сүүлийн жилүүдэд хүн амын төвлөрөл эрс нэмэгдэж байгаатай уялдан сургууль цэцэрлэгийн хэрэгцээ өсөн нэмэгдэж байна. 2019 оны  байдлаар Даланзадгад сумын 6 сургуулийн 5 нь 2 ээлжээр хичээллэдэг, шинэ төлөвлөлтийн бүс дэх гэр хорооллуудад оршин сууж байгаа 3,193 өрхийн хүүхдүүд сургууль цэцэрлэгтээ 4-6 км холоос явдаг байсан. Энэ нь нийтийн тээвэр хөгжөөгүй тус суманд хүүхдүүд их холоос сургууль, цэцэрлэгтээ явахад бэрхшээлтэй байдаг, Даланзадгад суманд 2,591 сурагчийн суудал дутагдаж байсан зэрэг нөхцөл байдалд үндэслэн төслийг санаачилсан.

ТӨСЛИЙН ЗОРИЛГО:

          Даланзадгaд сумын сургуулийн хүртээмжийг нэмэгдүүлж 1 ээлжээр хичээллэдэг сургуулийн тоог нэмэгдүүлэх, жил бүр хүрээгээ тэлж буй төвөөс алслагдсан гэр хорооллын хүүхдүүдийн сурах нөхцөлийг сайжруулах, сургууль цэцэрлэгийн хүртээмжийг нэмэгдүүлэх.

ТӨСЛИЙН ХЭРЭГЖИЛТ:

• “Даланзадгад сумын 1200 хүүхдийн сургуулийн барилга барих” төслийг Говийн оюу хөгжлийг дэмжих сан”-ийн Удирдах зөвлөлийн 2019 оны 14 дүгээр тогтоолоор 4,626,167,267 төгрөг, 2021 оны 05 дугаар тогтоолоор 5,585,219,758 төгрөгөөр санхүүжүүлэхээр тус тус батлав.
• Захиалагч аймгийн ЗДТГ гүйцэтгэгчийг сонгон шалгаруулж гэрээ байгуулсны дагуу захиалагч Өмнөговь аймгийн ЗДТГ, гүйцэтгэгч “Хүннүгийн говь” ХХК, санхүүжүүлэгч "Говийн оюу хөгжлийг дэмжих сан” санхүүжилтийн гуравласан гэрээг байгуулснаар барилга угсралтын ажлыг эхлүүлэв.
• “Говийн оюу хөгжлийг дэмжих сан”-ийн Удирдах зөвлөлийн 2023 оны 03 дугаар тогтоолоор “Даланзадгад сумын 1200 хүүхдийн сургуулийн барилга барих” төслийн үнийн өсөлтийн зөрүүг санхүүжүүлэхээр 7,949,243,663 төгрөг батлав.
• Өмнөговь аймгийн Засаг даргын захирамжаар томилогдсон Улсын комисс 2024-12-26-нд “Даланзадгадын 1200 хүүхдийн сургууль”-ын барилгыг байнгын ашиглалтад хүлээн авсан.

ҮР ДҮН:

• Даланзадгад сумын сургуулийн хүртээмж нэмэгдэнэ.
•  1 ээлжээр хичээллэдэг сургуулийн тоог нэмэгдүүлнэ.
•  Анги дүүргэлтийг багасгана.
•  Алслагдсан гэр хорооллын сурагчид гэртээ ойрхон сургуульд явах нөхцөл бүрдэнэ.
•  100 орчим шинэ ажлын байр бий болно.