ХӨТӨЛБӨРИЙН ҮНДЭСЛЭЛ:
      Хүрмэн сумын 18-р цэцэрлэг 1964 онд байгуулагдсан бөгөөд 2010 онд өөрийн эзэмшлийн 100 хүүхдийн цэцэрлэгийн шинэ байртай болж, хүүхдийн сурч хөгжих таатай орчин бүрдэж, жил бүр хамран сургах тойргийн 2-5 насны нийт 75 хүүхэд 3 бүлэгт өдрөөр хамрагддаг. 18-р цэцэрлэг нь Өмнөговь аймгийн “Хүүхдэд ээлтэй байгууллага”-аар 2 жил дараалан шалгарч байсан. 2010 оноос 10 жилийн хугацаанд хүүхдийн зөөлөн эдлэлийг шинэчилж солиогүй, эдэлгээний хугацаа дуусч, эрүүл ахуйн шаардлага хангахгүй болсноор халдварт болон халдварт бус өвчин гарах магадлалтай байна.
 

ХӨТӨЛБӨРИЙН ЗОРИЛГО:
     Цэцэрлэгт хамрагддаг хүүхдүүдийн хэрэглэдэг хуучирсан зөөлөн эдлэлийг сольж, шинэ зөөлөн эдлэлтэй болох, ингэснээр хүүхдэд аюулгүй орчинг бүрдүүлэх юм.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Хүрмэн сумын сургуулийн өмнөх боловсролын 18 дугаар цэцэрлэгт хүүхдүүдийн ашиглах зөөлөн эдлэл болох хөнжил, гудас тус бүр 75 ширхэгийг нийлүүлсэн.

ХӨТӨЛБӨРИЙН ҮР ДҮН:

• Хүүхдэд ээлтэй орчинг бүрдүүлсэн.
• Эрүүл ахуйн шаардлага хангасан цэвэрхэн дулаан зөөлөн эдлэлд амрах нөхцөл боломжоор хангасан.
• Эцэг эх, асран хамгаалагчид хүүхдээ цэцэрлэгт явуулах итгэлтэй болно.
• Багш, туслах ажилтнуудын ажлын ачаалал буурна.