ХӨТӨЛБӨРИЙН ҮНДЭСЛЭЛ:
      Хүрмэн сумын ерөнхий боловсролын сургууль 150 сурагчтай. Үүнээс 50 сурагч дотуур байранд амьдардаг. 2020 онд шинэ дотуур байр ашиглалтанд орж хүүхдүүдийн сурч, амьдрах тав тухтай боломжийг дотоод нөөц бололцоондоо тулгуурлан бүрдүүлж байгаа бөгөөд одоогийн байдлаар байрны гадна талбай хашаажуулалт байхгүйгээс сурагчдын эрүүл, аюулгүй орчинд сурч хөгжих, тоглож наадах эрх зөрчигдөх нөхцөл бүрдээд байна. Энэ нь сурагчдын чөлөөт цагаа зөв боловсон өнгөрүүлэх, бие бялдраа хөгжүүлэх, мөн бага насны хүүхдүүдэд тохирсон тоглоом байхгүй зэрэг асуудал байрны хүүхдүүдийн өмнө тулгарч байна. Сургуулийн дотуур байранд хүүхэд хөгжүүлэх тоглоом, наадгайн зардал улсын төсөвт тусгайлан тусгагддаггүй юм.
 

ХӨТӨЛБӨРИЙН ЗОРИЛГО:
      Дотуур байрны гадна болон дотоод иж бүрэн тохижилтыг хүүхдийн нас сэтгэхүй, бие бялдарт зохицсон байдлаар тохижуулж сурагчдын эрүүл аюулгүй орчинд суралцах, хөгжих боломж бүрдүүлж багш-сурагч-эцэг эхийн гуравласан холбоо нэмэгдэж малчид тав тухтай орчинд хүүхдүүдээ сургах, улмаар сумандаа сайхан амьдрах орчин бүрдэнэ.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
       Хүрмэн сумын ерөнхий боловсролын сургуулийн дотуур байрны гадна талбайг тойруулан 1.5 метр өндөртэй, 190метр хашаа суурилуулсан. Мөн хашаан дотор хүүхдүүд амарч тухлах, салхилах зориулалт бүхий модон саравч байрлуулсан. Дотуур байранд хүүхдүүдэд зориулсан хүүхэд хөгжлийн өрөөг тусгайлан зассан ба уг өрөөнд хөгжмийн зэмсэг, одон бөмбөгний ширээ байрлуулж, бага ангийн хүүхдүүдэд зориулсан тоглоомын хэсгийг тохижуулсан.

ХӨТӨЛБӨРИЙН ҮР ДҮН:

• Хүүхдэд ээлтэй орчинг бүрдүүлсэн.
• Хамран сургах тойргийн сурагчдын дотуур байранд амьдрах хүүхдийн тоо нэмэгдэнэ.
• Сурагчид чөлөөт цагаа зөв боловсон өнгөрөөж, өөрсдийгөө хөгжүүлж байна.
• Дотуур байрны гадна хашаатай болсноор эзэмшил газрын 25 хувиас багагүй хэсгийг ногоон байгууламжтай болгохоор ажиллаж байна.