ХӨТӨЛБӨРИЙН ҮНДЭСЛЭЛ:
      Хүрмэн суманд амьдардаг иргэд, албан байгууллагын гадна байрлах хогийн савнууд стандартын шаардлага хангаагүй, нэгэн загварын бус, хогийн сав нь таглаагүй, хэмжээний хувьд хэт том, эсвэл жижиг байдгаас шалтгаалан хог хаягдлын хуримтлал үүсэх, уг хуримтлалыг мал, амьтан бусниулан тараах, салхинд хийсэх зэргээр сумын орчин тойрон бохирдох, цаашлаад байгаль орчин болон сумын иргэдийн амьдрах орчин бохирдож халдварт өвчин үүсэх эрсдэлтэй байдаг. Мөн хог тээвэрлэх, зайлуулах үед стандартын бус савнаас хог хаягдал бутрах, хийсэх, үлдэх зэргээр тухайн орчин тойрныг бохирдуулж байгаагаас үндэслэн нэгдсэн нэг загварын, хог хаягдлын ангилах зориулалт бүхий хогийн сав байршуулах хэрэгтэй байна.
 

ХӨТӨЛБӨРИЙН ЗОРИЛГО:
      Сумын төвийн гэр болон байшин хороолол, албан байгууллага, аж ахуй нэгж, үйлчилгээний газруудын байрлалд тохирсон хогийн савнуудыг байршуулснаар сумын өнгө үзэмж сайжрахаас гадна хог бутрах, мал амьтан онгичихоос сэргийлэх, хог дамжуулах, ачих хүмүүст илүү хялбар болгож, тогтмол хог ачих хугацааг хүлээлгүй өрхийн хогийг хадгалалгүй байгуулсан цэгт аваачиж хаях зэрэг олон талын ач холбогдолтой. Цаашлаад айл өрх бүрийг хогийн савжуулах, хогоо ангилан ялгаж сурахад илүү дөхөм болох юм.

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Хүрмэн сумын төвийн айл өрх, аж ахуй нэгж, үйлчилгээний газруудын гадна талд 3 төрлийн загвар бүхий 17 ширхэг хогийн савыг хийж байрлуулсан. Уг савнууд нь хоол хүнсний хог хаягдал, дахин ашиглах болон дахин ашиглах боломжгүй шууд устгах гэсэн 3 төрлөөс ангилах зориулалттай юм.
 

ХӨТӨЛБӨРИЙН ҮР ДҮН:

• Хүн амын эрүүл мэнд, байгаль орчинд үзүүлэх сөрөг нөлөөллөөс урьдчилан сэргийлэх, бууруулах, хог хаягдлыг тээвэрлэх зардлыг хэмнэхэд эерэг нөлөө үзүүлж байна.
• Байр, хороолол, аж ахуй нэгжүүд нэг загварын, хог тээвэрлэхэд хялбар хогийн цэгтэй болсон
• Мал амьтад хог тараахгүй болсноос гадна хог хаягдал хийсэх, бутрахгүй болсноор сумын гадна болон дотор өнгө үзэмж сайжирсан.
• Иргэд ахуйн хог хаягдлыг тээвэрлэхэд илүү хялбар болсон.