ХӨТӨЛБӨРИЙН ҮНДЭСЛЭЛ:
     Хүрмэн суманд тусгай ротын 252 дугаар анги байрладаг бөгөөд цэргийн ангийн алба хаагчид уг суманд цэргийн хотхоны албан тушаалын орон сууцанд амьдардаг. Энэхүү орон сууцны хувьд 1985 онд ашиглалтанд орсон, сумын төвөөс 3 километрийн зайтай байдаг, хүүхдийн тоглоомын талбай байгаагүйгээс гадна байгуулагдсан үеэс хотхонд шинэчлэл засвар хийгдээгүй. Сүүлийн жилүүдэд цэргийн хотхонд ажиллагсад нь гэр бүлээрээ ирж суурьших болсонтой холбоотойгоор хүүхэд багачуудын тоо эрс нэмэгдэж, тэдний тоглох, амралт, чөлөөт цагаа өнгөрүүлэх газар байхгүйгээс хүүхдийн эрх ихээр зөрчигдөх болсон. Тиймээс уг хотхонд хүүхдийн тоглоомын талбай байгуулах хэрэгцээ шаардлага байгаа ч албан тушаалын орон сууц нь харьцангүй цөөн өрхтэй учраас энэхүү ажлыг өөрийн хөрөнгөөр бие даан гүйцэтгэх боломжгүй юм. Тоглоомын талбай байгуулснаар одоо амьдарч байгаа болон цаашид ирж амьдрах албан хаагчдын гэр бүл, үр хүүхдүүдийн амралт, чөлөөт цагийг зөв боловсон өнгөрүүлэх эрүүл аюулгүй орчинд тогтвортой ажиллах боломжийг нээж өгөх юм.

ХӨТӨЛБӨРИЙН ЗОРИЛГО:
     Албан тушаалын орон сууцанд амьдрагсдын оролцоонд тулгуурлан орон сууцны дэргэдэх тоглоомын талбайг шинээр тохижуулж, хүүхдийн амьдрах эрүүл, аюулгүй, таатай орчны бий болгох, цэргийн хотхоны оршин суугчдын амралт, чөлөөт цагийг зөв боловсон өнгөрүүлэхэд чиглэсэн бүтээн байгуулалтыг хийх зорилготой.
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
     Хүрмэн суманд байрлах тусгай ротын 252 дугаар ангид хүүхдийн тоглоомын талбай байгуулж уг талбайд шаардлагатай хүүхдийн тоглоом, сандал, гэрэлтүүлгийг байрлуулсан.
 

ХӨТӨЛБӨРИЙН ҮР ДҮН:

• Тусгай ротын хотхонд амьдардаг албан хаагчдын гэр бүл, хүүхдүүд чөлөөт цагаа өнгөрөөх, тухлах газартай болсон.
• Хүүхдүүд хоорондоо тоглож, харилцаж, нийгмийн харилцаанд орох боломж бүрдсэн