ТӨСЛИЙН ҮНДЭСЛЭЛ:
      Өмнөговь аймгийн “Өрх гэр бүлийн хөгжлийн жил”-ийн хүрээнд, мөн сумын хөгжлийн бодлоготой уялдуулан зорилтот бүлгийн эмзэг ядуу өрхийн иргэдийн амьдрах орчин нөхцөл, орчны тохижилтыг сайжруулан жорлон, муу усны газрын нөөц бололцоогүй болсон, амьжиргааны түвшин доогуур өрхийн оршин суугаа газрын хөрсний бохирдлыг бууруулж байгаль орчинд ээлтэй эко нойлын шийдлийг бий болгох, мөн нийтийн эзэмшлийн гудамж талбайд хүүхэд, залуучууд, хөгшид салхилж, агаарт гарч амарч суух боломж олгох зорилгоор сүүдрэвч, савлууртай сандал, хогийн савыг байршуулах зэрэг тохижилтын ажил хийж сум орон нутгийн иргэдийн амьдрах таатай орчин нөхцөлийг бүрдүүлэх шаардлагатай байгаа юм.
 

ТӨСЛИЙН ЗОРИЛГО/ ХИЙХ АЖИЛ:
     Сумын төвийн гэр хорооллын өрхийн амьжиргаа түвшин доогуур иргэдийн амьдрах орчин нөхцөлийг сайжруулж нийт иргэдийн сумандаа амьдрах таатай орчин нөхцөлийг бүрдүүлэхийг зорино.
      Нийтийн эзэмшлийн талбайд 1 сүүдрэвч, 2 савлуурт сүүдрэвчтэй сандал, 2 хогийн сав байрлуулж 20 хашаанд эко жорлон бий болгож 43 өрхийн 173 иргэний амьдралын орчин сайжирна.

ТӨСЛИЙН ХЭРЭГЖИЛТ, ҮР ДҮН:

• Гудамжны тохижилт хийгдэж гэр хорооллын иргэдийн амьдрах орчин нөхцөл сайжирна
• Эко нойлын шийдлийг бий болгосноор хөрсний болон агаарын бохирдлыг бууруулж гэр хорооллын иргэд эрүүл, цэвэр эко орчинд амьдарна
• Иргэдийн халдварч өвчин тусах эрсдэл багасч эрүүл ахуй сайжирна