ТӨСЛӨӨР ХИЙГДСЭН АЖЛУУД:

1. Барилга угсралтын ажил: “Аглут” ХХК, 5,795,000,000 төгрөг
2. Гадна шугам сүлжээний ажил: “Дүжий хайрхан” ХХК, 215,344,809 төгрөг
3. “Музейн барилгын дотор засал (интерьер), лифт, үүдний гонх барих” төсөл: “Аглут” ХХК, 2,089,053,404 төгрөг
4. “Өмнөговь аймгийн музейн барилга барих төсөл”-ийн нэмэлт ажил: “Аглут” ХХК, 471,702,337 төгрөг
5. “Музейн сан хөмрөгийн өрөөний тоног төхөөрөмж нийлүүлэх”: “Тангад-Араа” ХХК, 137,454,000 төгрөг
6. “Өмнөговь аймагт шинээр баригдаж буй музейд шаардлагатай тоног төхөөрөмж нийлүүлэх, суурилуулах”: “Эрдэнийн гүн говь” ХХК, 493,990,000 төгрөг
7. “Өмнөговь аймагт шинээр баригдаж буй музейн гадна тохижилт”: “Андгай” ХХК, 148,935,447 төгрөг
8. “Өмнөговь аймагт шинээр баригдаж буй музейн барилгын үзмэрийн баяжилт-1”: Археологийн хүрээлэн, 493,990,000 төгрөг
9. “Өмнөговь аймагт шинээр баригдаж буй музейн барилгын үзмэрийн баяжилт-2”: Палеонтологийн хүрээлэн, 200,000,000 төгрөг
10. “Өмнөговь аймгийн музейн барилгын дотор засал (интерьер), лифт, үүдний гонх барих” төслийн санхүүжилтийн гэрээнд нэмэлт, өөрчлөлт оруулах”, “Аглут” ХХК, 1,182,059,344 төгрөг

ТӨСЛИЙН ҮНДЭСЛЭЛ:

• Өмнөговь аймаг нь Монгол улсын өмнөд хэсэгт байрлах үзэсгэлэнт байгальтай, говь нутгийн байгаль цаг агаарт зохицсон уламжлалт нүүдлийн соёл иргэншил, түүх соёлын арвин уламжлалтай нутаг юм. Байгалийн өвөрмөц тогтоц үзэсгэлэнт газрыг түшиглэсэн аялал жуулчлал нь аймгийн эдийн засгийн тулгуур салбарын нэг юм. Монгол улсад ирж буй жуулчдын 80 гаруй хувь нь говь нутгийг үзэж сонирхохоор ирдэг. Эдгээр жуулчдад нутаг орны соёлын өв, говь нутгийн нэрийн хуудас болсон үлэг гүрвэлийн олдвор зэрэг палеонтологийн ховор нандин үзмэрүүдийг үзүүлэхэд аймгийн музейн одоогийн барилгын хүчин чадал хүрдэггүй. Учир нь музейн барилга нь 1954 онд чулуугаар барьсан аймгийн анхны зочид буудал, 1969 онд аж ахуйн аргаар хоёр давхар болгосон барилга юм. Барилгад суулт өгч, хана цуурсан зэрэг эвдрэл гэмтэл нь музейн үйл ажиллагаанд тавигдах MNS 5634:2006 стандартын шаардлага хангахгүй, үзмэрүүдийн хадгалалт хамгаалалтад сөргөөр нөлөөлж байна. Энэ нөхцөл байдлын улмаас барилгын болон галын улсын байцаагчийн дөрвөн удаагийн дүгнэлтээр үйл ажиллагааг зогсоох шаардлага тавигдаад байгаа. Иймд уг барилгыг музейн зориулалтаар цаашид ашиглах боломжгүй болсон.

ТӨСЛИЙН ЗОРИЛГО:

• Энэхүү төслийн гол зорилго нь стандартын шаардлага хангасан, барилга архитекторын өвөрмөц шийдэл бүхий музейн барилгыг барьж бүрэн тохижуулан ашиглалтад оруулах юм. Ингэснээр Монголын говь нутгийн соёлын өвийг хадгалж хамгаалах, хойч үедээ өвлүүлэн уламжлуулах, оюуны хөрөнгө оруулалт, танин мэдэхүйн боловсрол олгох, гадаад дотоодын аялагч жуулчдад Монголын говь нутгийг сурталчлан таниулах баян үзмэртэй жишиг музей болж улмаар аймгийн эдийн засагт хувь нэмэр оруулах ач холбогдолтой.

ТӨСЛИЙН ХЭРЭГЖИЛТ:

• “Говийн Оюу хөгжлийг дэмжих сан”-ийн Удирдах зөвлөлийн 2018 оны 3 дугаар сарын 15-ны өдрийн 06 дугаар тогтоолоор “Өмнөговь аймгийн Музейн барилга” төслийг 5,8 тэрбум төгрөгөөр санхүүжүүлэхээр дэмжиж санхүүжилтийг батлав.
• “Говийн оюу хөгжлийг дэмжих сан”-ийн Удирдах зөвлөлийн 2019 оны 12 дугаар сарын 11- ны өдрийн 14 дүгээр тогтоолоор “Өмнөговь аймагт шинээр баригдаж буй музейн барилга байгууламжийн нэмэлт ажил” төслийг 3.6 тэрбум төгрөгөөр санхүүжүүлэхээр дэмжиж санхүүжилтийг батлав.
•  “Говийн оюу хөгжлийг дэмжих сан”-ийн Удирдах зөвлөлийн 2022 оны 04 дүгээр сарын 11-ны өдрийн 02 дугаар тогтоолоор “Аймгийн шинэ музейн нэмэлт ажил” төслийг 1,2 тэрбум төгрөгөөр санхүүжүүлэхээр дэмжиж санхүүжилтийг батлав.
•  Захиалагч аймгийн ЗДТГ гүйцэтгэгчдийг сонгон шалгаруулж гэрээ байгуулсны дагуу захиалагч аймгийн ЗДТГ, төслийн гүйцэтгэгч байгууллагууд тус бүртэй санхүүжилтийн гуравласан гэрээ байгуулав. 
• 2021 оны 11 дүгээр сарын 22-нд барилгын ажлыг дуусган ашиглалтад шилжүүлэв.

ҮР ДҮН:

• Монголын говь нутгийн соёлын өвийг хадгалж хамгаалах, хойч үедээ өвлүүлэн уламжлуулах, оюуны хөрөнгө оруулалт, танин мэдэхүйн боловсрол олгоход музей чухал үүрэг гүйцэтгэнэ. 
• Гадаад дотоодын аялагч жуулчдад Монголын говь нутгийг сурталчлан таниулах баян үзмэртэй жишиг музей болж улмаар аймгийн эдийн засагт хувь нэмэр оруулна.
• Жилдээ 50,000 түүнээс дээш үзэгчдэд соёлын үйлчилгээ явуулах зорилготой бөгөөд, угсаатан зүй-түүхийн болон тэмээний музей, байгалийн музей гэсэн салбаруудтай ажиллана.