ТӨСЛИЙН ҮНДЭСЛЭЛ:

Даланзадгад сумын 11-р цэцэрлэгийн үндсэн барилга нь 1980 онд ашиглалтад орсон 75 хүүхдийн багтаамжтай юм. Тус цэцэрлэгийн хамран сургах хүүхдийн тоо нь цэцэрлэгийн хүчин чадлаас 2-3 дахин олон болсон тул Даланзадгадын 1-р сургуулийн дотуур байрны барилгыг ашиглаж нэмэлтээр 3 бүлэг нээн ажиллуулж нийт 219 хүүхдийг сурган хүмүүжүүлж байв. Хүүхдүүдийн олонх нь дотуур байрны барилгад буюу зориулалтын бус байранд цэцэрлэгт хамрагдаж байснаас гадна 11-р цэцэрлэгийн барилга нь урлаг, биеийн тамир, хоолны заалгүй баригдсанаас шалтгаалж стандартын бус өрөөг тохижуулан хоолны заал болгон ашиглаж байсан.
Дотуур байрны барилгад мөн сургуулийн бага ангийн сурагчид хичээллэх болж, цэцэрлэгт ашиглуулах боломжгүй болсон зэргээс үүдэн улсын тэргүүний 11-р цэцэрлэгийн үндсэн барилгатай залган өргөтгөл байдлаар 100 хүүхдийн цэцэрлэг барих шаардлагатай болсон.

ТӨСЛИЙН ЗОРИЛГО:

• Зориулалтын бус, өөр байгууллагын өмчлөлийн барилгад салбар нээснээс үүдэн хоёр тусгай газар үйл ажиллагаа явуулж байсан цэцэрлэгийн үйл ажиллагааг нэг дор төвлөрүүлэн стандарт шаардлага хангасан цэцэрлэгийн орчин бүрдүүлэх
• Анги дүүргэлт 43.2 байгааг стандартад нийцүүлэн 25-30 хүүхэдтэй болгох

ТӨСЛИЙН ХҮРЭЭНД ХИЙГДЭХ АЖИЛ:

С.Удвалын нэрэмжит улсын тэргүүний 11-р цэцэрлэгийг түшиглэн 100 хүүхдийн хүчин чадалтай цэцэрлэгийн 2 давхар барилгыг батлагдсан зураг төсвийн дагуу барьж улсын комисст хүлээлгэн өгч ашиглалтад оруулсан.

ТӨСЛИЙН ХЭРЭГЖИЛТ:

• “Говийн Оюу хөгжлийг дэмжих сан”-гийн Удирдах зөвлөлийн 2018 оны 6 дугаар тогтоолоор Даланзадгадын 11-р цэцэрлэгийн дэргэдэх 100 хүүхдийн цэцэрлэгийн барилга барих төслийг санхүүжүүлэхээр батлав.
•  “Говийн Оюу хөгжлийг дэмжих сан” нь захиалагч аймгийн ЗДТГ болон захиалагчийн шалгаруулсан гүйцэтгэгч “Суварган говь” компанитай санхүүжилтийн гэрээ байгуулав
•  2018 оны 3 сарын 18 ны өдөр цэцэрлэгийн барилгын шав тавих ёслол болж, Өмнөговь аймгийн Засаг даргын орлогч Х.Батболд, “Оюутолгой” ХХК-ийн Өмнөговь аймаг дахь төлөөлөгчийн газрын менежер Д.Олжмэдэх, Гүйцэтгэгч компанийн удирдлага, барилгачид, эцэг эхийн төлөөлөл оролцлоо.
•  2018 оны 9 сарын 12 нд шинэхэн цэцэрлэгийн нээлтийн ёслолын үйл ажиллагаа болж Өмнөговь аймгийн Засаг дарга Н.Наранбаатар, Оюутолгой ХХК-ийн Орон нутгийн харилцааны ерөнхий менежер Ш.Байгалмаа, гүйцэтгэгч “Суварган говь” ХХК-ийн захирал Бямбадорж, цэцэрлэгчийн эрхлэгч Ж.Зул болон багш сурган хүмүүжүүлэгчид, тус цэцэрлэгийн ахмад багш нар, эцэг эхчүүд оролцож цэцэрлэгийн авьяаслаг бяцхан багачуул ая дууныхаа дээжээр шинэхэн цэцэрлэгээ мялааж ирсэн зочдын сонорыг  баясгав.

ТӨСЛИЙН ҮР ӨГӨӨЖ:

• Зориулалтын хоолны болон урлаг, биеийн тамирын заалтай стандарт хангасан байранд сургуулийн өмнөх боловсрол олгох үйл ажиллагаа явуулах нөхцөл бүрдүүлсэн
•  Хамран сургах тойргийн хүүхдүүд сургуулиас өмнөх боловсрол эзэмших нөхцөл бүрдсэн
•  Шинээр 2 ажлын байр бий болсон.
• Орон нутгийн компани барилга угсралтын ажлыг чанартай гүйцэтгэж, орон нутгийн зах зээлээс барилгын материал түүхий эд худалдан авч нэмүү өртөг бий болгон орон нутгийн төсөвт татвар төлсөн.
•  Барилга угсралтын явцад түр ажлын байр 34.
•  Цэцэрлэгийн шинэ барилга ашиглалтад орсноор сургуулийн барилга суларч сургууль нь сургалтын болон бусад зорилгоор ашиглах бололцоо бүрдэнэ.
•  Гүйцэтгэгч компани барилга угсралтын ажлыг гэрээний хугацаанд чанартай гүйцэтгэн улсын комисст хүлээлгэн өгснөөр Өмнөговь аймгийн Даланзадгад сумын 160 хүүхэд шинээр цэцэрлэгт хамрагдаж, эцэг эхчүүд хүүхдээ эрүүл аюулгүй орчинд хүмүүжүүлж, өөрсдөө ахуй амьдралаа дээшлүүлэх, ажил хөдөлмөрөө энхрий үрсдээ санаа зовох зүйлгүй хийх боломж бүрдэв.
•  Барилга угсралтын ажлын явцад орон нутгаас үндсэн болох туслах ажилтан нийт 30 /үндсэн 18, туслах 12/, бусад түр ажлын байр 34, нийт 64 ажилчин ажилласан байна.
• Мөн орон нутгийн зах зээлээс 700 шоо метр бетон зуурмаг-129.5 сая төгрөг, 150тн цемент -33.0 сая төгрөг, 530 шоо метрдүүргэгч - 3,9 сая нийт 166,5 сая төгрөгийн худалдан  авалт хийж орон нутагторлого оруулсан байна.