ХӨТӨЛБӨРИЙН ҮНДЭСЛЭЛ:
      Мандал-Овоо сум нь аялал жуулчлалын бүс нутагт оршдог тул сүүлийн жилүүдэд гадаад, дотоодын аялагчдын тоо нэмэгдэж сумын төвөөр дайран өнгөрөх, буудаллах зэргээр сумын төвийн хүн амын хөдөлгөөн ихэсч байна. Үүнтэй уялдан гэмт хэргээс урьдчилан сэргийлэх арга хэмжээ авах хэрэгцээнд үндэслэн төслийг санаачилсан.
 

ХӨТӨЛБӨРИЙН ЗОРИЛГО:
        Сумын төвийн замын хөдөлгөөний зөрчил, танхай, хулгай гэх мэт гэмт хэргээс үүдэлтэй зөрчил, осол, гэмтлээс урьдчилан сэргийлж, иргэдийн амь нас, эд хөрөнгийг хамгаалах.
 

ХӨТӨЛБӨРИЙН ХҮРЭЭНД ХИЙСЭН АЖИЛ
         Мандал-Овоо сумын ЗДТГ-т 6 нэр төрлийн 12 ш хяналтын камер, дагалдах хэрэгслийн хамт нийлүүлж, сумын төвийн нийтийн эзэмшлийн талбайд суурилуулсан.
 

ХӨТӨЛБӨРИЙН ҮР ДҮН:
      Мандал-Овоо сумын төвийн нийтийн эзэмшлийн талбай, гэр хороололд өдөр, шөнийн аль ч үед харах тусгал, хүчин чадал сайтай хяналтын камер суурилуулж гэмт хэргийн гаралтыг бууруулах, илрүүлэлтийг сайжруулах нөхцөлийг бүрдүүлсэн.