ХӨТӨЛБӨРИЙН ҮНДЭСЛЭЛ:
      Тогтвортой хөгжлийн боловсрол үндэсний бодлого хөтөлбөрийн хүрээнд сургуулиар олгож буй боловсролын чиг баримжаанд сурагчдад экологийн боловсрол олгоход дэмжлэг үзүүлэх сургалтын орчин, нөхцөлийг бүрдүүлэх зайлшгүй шаардлагатай юм. Мөн сурагчдыг эрүүл хүнсээр хангахад төслийн дэмжлэг шаардлагатай байсан.
 

ХӨТӨЛБӨРИЙН ЗОРИЛГО:
    Хөтөлбөрийн үр дүнд тус сургуульд сургалтын тохилог орчин бий болгож 160 сурагчдад экологийн боловсрол олгох хичээлд дэмжлэг болсон төдийгүй сурагчид багшийнхаа заавар, зөвлөмжөөр хүнсний ногоо тарьж сурах, тарьсан ногоогоо сургуулийн хэрэгцээнд хэрэглэж хөдөлмөрийн үр шимийг мэдрэх юм.
 

ХӨТӨЛБӨРИЙН ХҮРЭЭНД ХИЙСЭН АЖИЛ:
      Мандал-Овоо сумын Ерөнхий боловсролын сургуульд нэг ширхэг хүлэмжийг дагалдах хэрэгслийн хамт нийлүүлж, барьсан. Мөн сургуулийн коридорт аквариум, гадна талбайд байгалийн чулуун тохижилт, ангиудад хиймэл зүлэг, тасалгааны цэцэг байрлуулах зэргээр ногоон орчин бий болгох ажлууд хийгдсэн.

ХӨТӨЛБӨРИЙН ҮР ДҮН:

• Бусад тохижуулсан хэрэгслүүд дээр туршилт хийх, танилцах, харах, мэдрэх зэргээр экологийн хичээлийн сургалтын орчин нөхцөл сайжирч сурагчдын байгаль дэлхийгээ хайрлах, хамгаалах зөв төлөвшилд эерэг нөлөө авчирсан.
• Сурагчдад экологийн боловсролыг үр дүнтэй эзэмшүүлэхэд дэмжлэг болсон.
• Сургуулийн үдийн цай хөтөлбөрийг өөрсдийн тарьсан шинэ ногоогоор хангах боломжтой болсон.
• Сургуулийн өнгө, үзэмж сайжирсан.