ТӨСЛИЙН ҮНДЭСЛЭЛ:

Өмнөговь аймагт мах, махан бүтээгдэхүүн боловсруулах үйлдвэр байхгүй учир орон нутгийн иргэд, байгууллага, уул уурхайн байгууллагуудын ажилчдын хүнсний эрүүл ахуйн нөхцөл хангагдахгүй байгаагаас гадна малчид малаа орон нутагтаа зах зээлийн жишиг үнээр борлуулах, орон нутгийн энэ чиглэлийн бизнес эрхлэгчдэд эрүүл ахуйн стандартад нийцсэн мах хөлдөөж, хадгалах агуулах шаардлагатай байгаа. Мөн Өмнөговь аймгийн нийт хүн амын 38,1% буюу 25016 хүн Даланзадгад сумын төвдөө амьдарч байна. Нэг хүний махны хэрэглээг жилийн 84 кг-аар тооцож үзвэл жилдээ 2,101,344 тонн махны хэрэглээтэй байх боломжтой. Дотоодын зах зээлд хэрэглэж байгаа нийт махны 3%-ийг үйлдвэрийн аргаар боловсруулж хэрэглэж байна.

 ТӨСЛИЙН ЗОРИЛГО:

Энэхүү төслийн гол зорилго нь аймгийнхаа онцлогт тохирсон үйлдвэрлэлийг хөгжүүлэн орон нутгийн иргэдийг ажлын байраар хангах, малчдаа дэмжин хамтран ажиллаж өрхийн орлогыг  нь нэмэгдүүлэх, өртөг шингээсэн бүтээгдэхүүн үйлдвэрлэх, үйлдвэрээс гарсан бүтээгдэхүүнийг шинээр нь нутгийн иргэд, хэрэглэгч аж ахуй нэгжүүдэд нийлүүлэх юм.

ТӨСЛИЙН ХЭРЭГЖИЛТ:

• “Говийн Оюу хөгжлийг дэмжих сан”-ийн Удирдах зөвлөлийн 2017 оны 10 дугаар сарын 02- ны өдрийн 15 дугаар тогтоолоор Өмнөговь аймгийн Даланзадгад суманд Нядалгааны цэг бүхий мах ангилан ялгах, хадгалах үйлдвэр барих төслийг санхүүжүүлэхээр дэмжиж төслийн санхүүжилтийг батлав.
• Захиалагч аймгийн ЗДТГ төсөл сонгон шалгаруулж, хэрэгжүүлэгчийг сонгон гэрээ байгуулсны дагуу захиалагч аймгийн ЗДТГ, гүйцэтгэгч “Гүүд рүүт Интер Трейдинг” ХХК-тай санхүүжүүлэгч “Говийн Оюу хөгжлийг дэмжих сан” гэрээ байгуулснаар барилга угсралтын ажлыг эхлүүлэв.
• Гүйцэтгэгч, хамтран санхүүжүүлэгч “Гүүд рүүт Интер Трейдинг” ХХК гэрээний дагуу төлөвлөгөөт хугацаанд ажлаа гүйцэтгэж ашиглалтанд оруулах техникийн болон улсын комисс ажилласнаар уг төсөл амжилттай хэрэгжлээ.

ҮР ДҮН:

• Өмнөговь аймагт нядалгааны цэг бүхий мах ангилан ялгах, хадгалах, махан бүтээгдэхүүн үйлдвэрлэх цогцолбор үйлдвэрийн орчин бий болно.
•  Аймгийн малчидтай хамтарч ажиллах, эрүүл ахуйн шаардлага хангасан мах нийлүүлсэн малчинд жилийн эцэст ногдол ашиг хуваарилах ажлыг хоршоогоор дамжуулан гүйцэтгэнэ
• Мах худалдаалах чиглэлээр үйл ажиллагаа эрхэлдэг аж ахуйн нэгж байгууллага, иргэд 400тн багтаамжтай, бүрэн тоноглогдсон гүн хөлдөөх, сэврээх агуулахаар үйлчлүүлэх боломж бүрдэнэ
• Орон нутгийн иргэдэд тогтвор суурьшилтай ажиллах 15-20 ажлын байр шинээр бий болсон
•  Зэргэлдээ орших аймаг, сум болон уул уурхайн томоохон компаниудын хүнсний хэрэгцээнд мах, махан бүтээгдэхүүн нийлүүлэх боломжтой болно.