ТӨСЛИЙН ҮНДЭСЛЭЛ:
       Биеийн тамир, спортын салбарт шинэчлэгдсэн хууль тогтоомж, “Монгол улсын засгийн газрын 2016-2020 оны үйл ажиллагааны хөтөлбөр”-т дэвшүүлсэн зорилтын хүрээнд “Биеийн тамир, спортыг хөгжүүлэх үндэсний хөтөлбөр”-ийг батлан хэрэгжүүлж төрийн байгууллагын зарим чиг үүргийг төрийн бус байгууллагаар гэрээгээр гүйцэтгүүлэх, татварын хөнгөлөлт үзүүлэх замаар төсвийн бус санхүүжилтийг нэмэгдүүлэх, салбар хоорондын уялдааг сайжруулах, идэвхтэй хөдөлгөөн, спортыг шинжлэх ухааны үндэслэлтэйгээр бүх нийтийн хөдөлгөөн болгон хөгжүүлэх, салбарын хүний нөөцийг мэргэшүүлэх, хяналтын механизмыг оновчтой бүрдүүлэх, биеийн тамир, спортын заал, талбайн хүртээмжийг нэмэгдүүлэх цогц арга хэмжээг авах шаардлагатай гэж дүгнэсэн байдаг. Өмнөговь аймагт сүүлийн жилүүдэд биеийн тамир, спортын заал, талбайн хүртээмжийг нэмэгдүүлэх цогц арга хэмжээг орон нутгийн зүгээс хэрэгжүүлж байгаа ч бие хамгаалах урлагийн төрөл орхигдож байгаа тул хөгжүүлэх шаардлагатай байна.

ТӨСЛИЙН ЗОРИЛГО:
      Даланзадгад суманд карате, бокс, кик бокс, холимог тулаан, жюү жицүг спортын төрлүүдийг хүүхэд залуучуудад таниулах, бие бялдрыг хөгжүүлэх, өв тэгш хүмүүжил, хатуужил олгох, хөдөлгөөний дутагдлаас гаргах, авьяас чадварыг нээж аймаг, улс, тив, дэлхийн тэмцээнд оролцох, амжилт гаргахад дэмжлэг үзүүлнэ
 

ТӨСЛИЙН ХҮРЭЭНД ХИЙГДЭХ АЖИЛ:
      Дараах хэрэгслүүдийг нийлүүлж Даланзадгад сумын ЗДТГ-т хүлээлгэн өгч хамтран ажиллах гэрээгээр 5 төрлийн тулааны урлагийг Даланзадгад сумын сургууль цэцэрлэгийн хүүхдүүд, мөн сонирхсон насанд хүрэгчдэд заана.

ТӨСЛИЙН ХЭРЭГЖИЛТ, ҮР ДҮН:

• Тус клубт хичээллэснээр биеэ хамгаалах урлагт суралцах бөгөөд аймаг, улс, бүс, Ази, дэлхийн аварга шалгаруулах тэмцээнүүдэд оролцож амжилт гаргах бүрэн боломжтой:
• 1-6 сар хичээллээд Аймгийн аварга, бүсийн тэмцээнд оролцох
• 6-12 сар хичээллээд Улсын аварга шалгаруулах тэмцээнд оролцох
• 12-24 сар хичээллээд Олон улс, Ази тивийн аварга шалгаруулах тэмцээнд оролцох
• 24-36 сар хичээллээд Дэлхийн аварга шалгаруулах тэмцээнд оролцох ур чадварыг эзэмшиж чадна.

    3-5 жилийн дотор Азийн шилдэг холбоо болох One Championship холбоонд тамирчдаа оруулах, цаашлаад Дэлхийн шилдэг холимог тулааны холбоо болох UFC-д Өмнөговь аймгийн тамирчинг оруулах алсын хараатай ажиллана.
     Тоног төхөөрөмжийг гэрээний дагуу нийлүүлж сумын ЗДТГ-тай гэрээ байгуулан ажиллаж эхэлсэн.