ТӨСЛИЙН ҮНДЭСЛЭЛ:
      Амьдралын буруу хэвшил, дадал зуршил, буруу хооллолтоос үүдэлтэй жингийн илүүдэл, зүрх судасны өвчин, хавдар, чихрийн шижин гэх мэт өвчнөөр өвчилсөн иргэдийн тоо эрс нэмэгдэх болсон. Зөв, зохистой хооллолтын талаарх мэдлэг, мэдээлэл хомс, мэддэг ч түүнийгээ хэрэгжүүлдэггүй иргэд гарал үүсэл нь тодорхойгүй тураах эм бэлдмэл ихээр хэрэглэж өөрийгөө эрсдэлд оруулж байна. Дэлхийн эрүүл мэндийн байгууллагын судалгаагаар халдварын бус өвчний 83% нь буруу хооллолтоос шалтгаалж байна гэсэн байна. Иймд иргэдэд зөв хооллолтын ач холбогдол, эрүүл амьдралын хэв маягт хэрхэн суралцах, хэрэгжүүлэх, хоол тэжээлийн дутагдлаас урьдчилан сэргийлэх талаар сургалт, зөвлөгөө өгөх зайлшгүй шаардлагатай байна.
 

ТӨСЛИЙН ЗОРИЛГО/ХИЙГДЭХ АЖИЛ:
      Даланзадгад сумын 600 иргэнд 2 үе шаттайгаар дараах 3 агуулга бүхий сургалт явуулна.

• Зөв хүнс, зөв бүтээгдэхүүн сонгох
• Хоол хүнснээс үүдэлтэй өвчлөлөөс урьдчилан сэргийлэх
• Эрүүл зөв хооллолт, түүний ач холбогдол

ТӨСЛИЙН ХЭРЭГЖИЛТ, ҮР ДҮН:
       Даланзадгад сумын иргэдэд дээр дурдсан 3 агуулга бүхий сургалтыг зохион байгуулна. COVID-19 цар тахлын эсрэг тогтоосон хорио цээр, цаг үеийн байдалтай холбоотой сургалтын ажил түр хойшлогдсон байна.