ТӨСЛИЙН ҮНДЭСЛЭЛ:
      Хот суурин газар хөгжихтэй зэрэгцээд иргэд, оршин суугчдыг хотын соёлд сургах шаардлага зайлшгүй тулгардаг. Гудамж талбайд нус цэр, шүлсээ хаяхгүй байх, хогоо хогийн саванд хаях, эргэн тойрныхоо хүмүүсийн амар амгалан байдлыг өөрийн зүгээс хангаж амьдрах, хот суурин газрын бүтээн байгуулалтыг үнэлж хүндэлж хайрлан хамгаалах, цаашлаад байгальдаа хор нөлөөтэй зүйл хийдэггүй байх гэх мэт орчин тойрондоо сэтгэлтэйгээр хандах зэрэг дадал хэвшил ухамсар нь хотын соёлын нэгээхэн хэсэг билээ. Даланзадгад сум өргөжин тэлж төвлөрөл ихсэхийн сацуу нийт иргэдэд хотын соёлыг түгээх шаардлага зайлшгүй гарч байна.
 

ТӨСЛИЙН ЗОРИЛГО/ХИЙХ АЖИЛ:
       Соёлтой иргэнийг бий болгох, хотын соёлыг түгээн дэлгэрүүлэх, хөгжил, бүтээн байгуулалтыг цахим орчинд сурталчлах ажлыг хийхэд шаардлагатай тоног төхөөрөмж, хэрэгслийг Даланзадгад сумын ЗДТГ-т нийлүүлж, 175 видео контент бэлтгэн түгээх ажлыг хийнэ. Даланзадгад хотод хийгдэж байгаа ажил арга хэмжээнүүд, бүтээн байгуулалт болоод санхүүжүүлэгч “Говийн оюу хөжлийг дэмжих сан”-ийн үйл ажиллагааг иргэд олон нийтэд нийгмийн цахим сүлжээгээр дамжуулан сурталчилна.

ТӨСЛИЙН ХЭРЭГЖИЛТ, ҮР ДҮН:

• 31 нэр төрлийн 42 тоног төхөөрөмж нийлүүлж, 1 жилийн турш 5 чиглэлийн 175 контент гаргаж байна.
• Даланзадгад сум видео, танилцуулга, мэдээлэл гаргах зориулалтын тоног төхөөрөмж, хэрэгсэлтэй болсноор Даланзадгад сумын иргэдэд хотын соёлыг түгээх, иргэдийг төлөвшүүлэх ажил, арга хэмжээнүүдийг зохион байгуулж ажиллах бүрэн боломжтой болсон
• Даланзадгад сумын иргэдэд орчноо хайрлах, бусдыг хүндэлж соёлтой амьдрах дадал төлөвшил илүү их суулгах үйл ажиллагаанууд хийгдэж байна.