ТӨСЛИЙН ҮНДЭСЛЭЛ:
      Сургуулийн өмнөх насны хүүхдийн тархи хамгийн уян хатан, суралцах өргөн боломжийг агуулдаг онцлогтой байдаг. Тиймээс сургуулийн өмнөх боловсролыг хүүхдийг сургах, сургуульд бэлтгэхээс гадна хүний хөгжлийн үндэс суурь, өөрийн онцлог, чадвар бүтээлч үйлээрээ хөгжих, насан туршийн боловсролын чухал үе хэмээн хөгжүүлэх шаардлага урган гарч байгаа.
 

ТӨСЛИЙН ЗОРИЛГО/ХИЙХ АЖИЛ:
       Монтессори хичээлүүдээр дамжуулан Даланзадгад сумын 25-р цэцэрлэгийн 2-6 насны 320 хүүхдийн математик сэтгэлгээ, амьдрах арга ухаан, мэдэрхүй, тоо тооллын чадамжийг хөгжүүлнэ. Уг төслийн хүрээнд монтессори хичээлийн хэрэглэгдэхүүн худалдан авч 11 сургагч багш бэлтгэнэ.

ТӨСЛИЙН ХЭРЭГЖИЛТ, ҮР ДҮН:
        Монтессори сургалт нь хүүхдийн бие бялдар, танин мэдэхүй, нийгэмшихүйг хөгжүүлдэг олон улсын хөтөлбөр бөгөөд энэхүү сургалтын хөтөлбөрт хамрагдаж Даланзадгад сумын 25-р цэцэрлэгийн хүүхдүүд оюун ухаан, бие бялдраар цогцоор нь зэрэг хөгжүүлж хувьсан өөрчлөгдөж буй орчин, нөхцөлтэй зохицон амьдрах чадварт суралцаж чадахаар боллоо. Монтессори сургалтын арга зүйгээр 11 багш дадлагажсан бөгөөд худалдан авсан хэрэглэгдэхүүнээрээ Даланзадгад сумын 25-р цэцэрлэгийн 320 хүүхдийн сэтгэхүйг хөгжүүлэх хичээл орж байна. Бусад цэцэрлэгүүд сургалтандаа нэвтрүүлэх боломжтой туршлага болсон.