ТӨСЛИЙН ҮНДЭСЛЭЛ:
      Даланзадгад сумын иргэд төрийн үйлчилгээг аймаг, сумын ЗДТГ, төрийн бусад байгууллага, агентлагуудаас авдаг байсныг өөрчилж 2019 онд Оюут 7-р багийн хүн амын төвлөрөл ихтэй төрийн үйлчилгээ, эрүүл мэндийн үйлчилгээ үзүүлэх боломжтой байршилд нэг цэгийн үйлчилгээний газар байгуулсан. Тус цэгийн байршил нь төвөөс холгүй боломжийн боловч уг цэгт хүрч очих тээврийн хэрэгсэл зорчих болон явган хүн явах хэсэг нь засч сайжруулах шаардлагатай, ус их тогтдог, ариутгал халдваргүйжүүлэлт шаардлагатай орчин байгаа. Тиймээс тэр хэсгийн газрыг тэгшилж ариутгал хийж иргэдийн эрүүл аюулгүй орчинд амьдрах орчин нөхцөлийг бүрдүүлэх хэрэгцээ, шаардлага зайлшгүй тулгарсан.
 

ТӨСЛИЙН ЗОРИЛГО/ХИЙХ АЖИЛ:
      Даланзадгад сумын Оюут 7-р багийн 2390 иргэн, цаашлаад Даланзадгад сумын 26748 иргэний амьдрах, төрийн үйлчилгээг эрүүл аюулгүй орчинд авах таатай нөхцөлийг бүрдүүлэх зорилгор 2600 м2 талбайн шороон замын тэгшилгээ, хотгор гүдгэрийн дүүргэлт, усан сан орчмын хөрсний ариутгал халдваргүйжүүлэлтийн ажлыг хийнэ.

ТӨСЛИЙН ХЭРЭГЖИЛТ, ҮР ДҮН:

• Даланзадгад сумын Оюут 7-р багийн 2600 м2 талбайн шороон замын тэгшилгээ, хотгор гүдгэрийн дүүргэлт, усан сан орчмын хөрсний ариутгал халдваргүйжүүлэлтийн ажил хийж гүйцэтгэсэн
• Иргэд төрийн үйлчилгээ авахаар олноор зорчдог зам талбай чөлөөтэй, шавар шавхай, тогтоол ус, хог тогтохооргүй тэгш цэлгэр болсон.
• Оюут 7-р багийн иргэд төрийн үйлчилгээ төвлөрсөн хэсэгт машинаар болон явганаар аюулгүй зорчих боломжтой болсон бөгөөд халдваргүйжүүлэлт хийсэн газраар явах иргэдийн аливаа халдварт өвчин авах эрсдэл багассан.