ХӨТӨЛБӨРИЙН ҮНДЭСЛЭЛ:
      Хог хаягдал байгалийн хүчин зүйлээс бус хүн төрөлхтний үйл ажиллагаанаас үүдэн бий болж, байгаль орчныг ихээхэн бохирдуулж, экологийн тэнцвэрт байдлыг алдагдуулж байна. Иймд орон нутгийн иргэд, малчид ч өөрсдийн хэмжээнд санаачлан хог хаягдлын цэг байгуулан ахуйн хог хаягдал болон ган, зуд, малын өвчлөлөөс шалтгаалсан үхсэн малын сэг зэм зэргийг нэг цэгт зохих ёсоор устгах ажлыг зохион байгуулах шаардлагатай байсан.
 

ТӨСЛИЙН ЗОРИЛГО:
      Мандал-Овоо сумын Өтгөн багийн нутагт нэгдсэн хог хаягдлын цэгтэй болж иргэдийн зөв дадал хэвшлээр байгаль орчны бохирдол, халдварт өвчнийг бууруулахад нэмэр болох

ТӨСЛИЙН ХҮРЭЭНД ХИЙГДСЭН АЖИЛ:
      Мандал-Овоо сумын Өтгөн багийн нутагт хогийн цэг байгуулан ашиглалтанд хүлээлгэн өгсөн.
 

ТӨСЛИЙН ҮР ӨГӨӨЖ:

• Байгаль орчноо хамгаална.
• Иргэдийг зөв дадалд хэвшүүлнэ.
• Малын халдварт өвчнийг бууруулна.
• Мандал-Овоо сумын Өтгөн багийн 20 гаруй өрх төслийн үр шимийг хүртэж байна.

ТӨСЛИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Хогийн цэг” төслийг хэрэгжүүлсэн.
• Мандал-Овоо сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан.
• “Говийн оюу хөгжлийг дэмжих сан” нь захиалагч Мандал-Овоо сумын ЗДТГ болон төслийн гүйцэтгэгч “Дээд гол” бүлгийн ахлагч Б.Ичинхоролтой санхүүжилтийн гэрээ байгуулсан.
• “Дээд гол” бүлэг нь төслийн гэрээний ажлыг хугацаанд нь чанартай хэрэгжүүлснээр Өмнөговь аймгийн Мандал-Овоо сумын Өтгөн багийн 20 гаруй өрх нэгдсэн хог хаягдлын цэгтэй болж иргэдийн зөв дадал хэвшлээр байгаль орчны бохирдол, халдварт өвчнийг бууруулахад дэмжлэг болох юм.