ХӨТӨЛБӨРИЙН ҮНДЭСЛЭЛ:
     Сумын төвийн иргэдийн ундны усны хэрэгцээг хангаж байгаа нэг худаг нь өвөл, зуны цагийн хуваариар ажилладаг, бусад үед худаг хаалттай байдаг учир цагийн ажилтай болон гадагшаа явсан иргэд шөнө оройн цагаар ирээд хүссэн үедээ усаа авах боломж хязгаарлагдмал байсан.
 

ТӨСЛИЙН ЗОРИЛГО:
     Иргэдэд 24 цагийн ажиллагаатай ус түгээх ухаалаг худгаар үйлчлэх

ТӨСЛИЙН ХҮРЭЭНД ХИЙГДСЭН АЖИЛ:
     Мандал-Овоо сумын төвийн ундны усны худгийг засварлаж, ус түгээх ухаалаг систем суурилуулах, хамгаалалтын хашаа татах, камержуулах ажлууд хийгдсэн.
 

ТӨСЛИЙН ҮР ӨГӨӨЖ:

• Сумын төвийн 205 өрхийн 314 хүн төслийн үр ашгийг шууд хүртэж байна.
• Иргэд хоногийн 24 цагийн аль ч үед ус авах боломжтой болсон.
• Ундны усны эх үүсвэрт эрүүл ахуйн эрсдэл буурна.
• Барилгын өнгө үзэмжийг сайжруулсан.
• Худгийн гадна орчныг хяналтын камераар хянах боломжтой болсон.
• Усны хэмнэлт нэмэгдэнэ.
• Бэлэн төлбөр тооцоо хийгдэхгүй.
• Усны картаар үйлчлүүлэгчдийн бүртгэл, мэдээллийн сантай болно.
• Усны зарцуулалт, борлуулалтыг нарийн хянах боломжтой болсон.
• Ундны усан хангамжийн хүртээмж сайжирна.

ТӨСЛИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Ухаалаг худаг” төслийг хэрэгжүүлсэн;
• Мандал-Овоо сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан;
• “Говийн оюу хөгжлийг дэмжих сан” нь захиалагч Мандал-Овоо сумын ЗДТГ болон төслийн гүйцэтгэгч “Халбас хайрханы хишиг” ХХК-тай санхүүжилтийн гэрээ байгуулсан;
• “Халбас хайрханы хишиг” ХХК нь төслийн гэрээний ажлыг хугацаанд нь чанартай хэрэгжүүлснээр Өмнөговь аймгийн Мандал-Овоо сумын иргэд хоногийн 24 цагийн аль ч үед ундны усаа авах нөхцөл боломжоор хангагдсан.