ХӨТӨЛБӨРИЙН ҮНДЭСЛЭЛ:
      Мандал-Овоо сумын нутаг нь шороон шуурга их шуурдаг, маш их элсний нүүдэлтэй. Сумын баруун хойно байрлалтай нийтийн эзэмшлийн 7 га талбайд сумын иргэд, байгууллага нийтээрээ 2017 оноос хойш жил бүр мод тариалах болсон усалгааны системгүйгээс модны ургалт маш муу байна. Иймд дээрх талбайд услалтын систем суурилуулан модны усалгааг тогтмолжуулан ургалтыг нь сайжруулах, цаашид мод, бутыг үргэлжлүүлэн тогтмол тариалж ногоон төгөл болгон сумын төвийг элсний нүүдлээс хамгаалах шаардлагатай байв.
 

ТӨСЛИЙН ЗОРИЛГО:
Ногоон байгууламж нэмэгдүүлэх замаар цөлжилт, элсний нүүдэл бууруулах, сумын өнгө үзэмжийг сайжруулах.
 

ТӨСЛИЙН ХҮРЭЭНД ХИЙГДСЭН АЖИЛ:
     Мандал-Овоо сумын баруун хойд талд байрлалтай мод үржүүлгийн талбайд услалтын системийн 200 метр хоолой, дагалдах хэрэгслийн хамт нийлүүлж, суурилуулсан.
 

ТӨСЛИЙН ҮР ӨГӨӨЖ:
      Мандал-Овоо сумын мод үржүүлгийн талбай услалтын системээр хангагдаж, усалгааны ажилтны ажлыг хөнгөвчлөх, усалгааны чанар, модны ургац сайжрах, элсний нүүдлийг бууруулах, цөлжилтийн эсрэг үйл ажиллагаанд дэмжлэг болох зэрэг эерэг үзүүлэлтүүд бий болсон.
 

ТӨСЛИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүгээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Баян төгөл” төслийг хэрэгжүүлсэн.
• Мандал-Овоо сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр төслийг сонгон шалгаруулсан.
• “Говийн оюу хөгжлийг дэмжих сан” нь захиалагч Мандал-Овоо ЗДТГ болон хөтөлбөрийн хэрэгжүүлэгч “Халбас хайрханы хишиг” ХХК-тай санхүүжилтийн гэрээ байгуулав.
• Хөтөлбөрийн хэрэгжүүлэгч “Халбас хайрханы хишиг” ХХК гэрээний ажлыг хугацаанд нь чанартай хэрэгжүүлснээр Өмнөговь аймгийн Мандал-Овоо сумын мод үржүүлгийн талбай услалтын системээр хангагдаж, усалгааны ажилтны ажлыг хөнгөвчлөх, усалгааны чанар, модны ургац сайжрах, элсний нүүдлийг бууруулах, цөлжилтийн эсрэг үйл ажиллагаанд дэмжлэг болох зэрэг эерэг үзүүлэлтүүд бий болсон.