ХӨТӨЛБӨРИЙН ҮНДЭСЛЭЛ:
     2019 оны байдлаар Мандал-Овоо сумын төвд ажиллаж амьдарч байгаа мэргэжилтэй боловсон хүчин болох эмч, багш, тамгын газрын ажилтнуудын 15 хүүхэд 1.5-2 настай байна. Тэдгээр нялхасыг асарч сувилах, хөгжүүлэх байгууллага байхгүй учир залуу ээж нар хөдөлмөр эрхэлж өрхийн орлогоо нэмэгдүүлэхийн тулд бага насны хүүхдээ гэртээ цоожилж эсвэл гадны хүн гуйж харуулдаг. Энэ нь хүүхдийн амь нас, эр үүл мэндэд өндөр эрсдэлтэй байсан.
 

ХӨТӨЛБӨРИЙН ЗОРИЛГО:
      1,5-2 хүртэл насны хүүхдийг асарч хамгаалах, тэдэнд эрүүл аюулгүй орчинд өсч бойжих нөхцөл бүрдүүлэх, яслийн насны хүүхдийн оюун ухаан хөгжүүлэх сургалтын хөтөлбөрийг сэргээн хэрэгжүүлэх, залуу эцэг, эхчүүдийг хөдөлмөр эрхэлж өрхийн орлогоо нэмэгдүүлэх, сурч хөгжих нөхцөл боломжоор хангах
 

ХӨТӨЛБӨРИЙН ХҮРЭЭНД ХИЙГДСЭН АЖИЛ:
      Мандал-Овоо сумын 17-р цэцэрлэгт яслийн нэг анги шинээр бий болгож, 50 ширхэг тавилга, хэрэгслийг (яслийн хүүхдэд зориулсан) нийлүүлсэн.
 

ХӨТӨЛБӨРИЙН ҮР ӨГӨӨЖ:
      Мандал-Овоо сумын 17-р цэцэрлэгийн яслийн шинэ ангид 1.5-2 хүртэлх насны 15 хүүхдийг хамруулж байна. Үүний үр дүнд цэцэрлэгт хамрагдах насанд хүрээгүй хүүхдүүд аюул осолгүй, ая тухтай орчинд өсөж хүмүүжих, тэдний эцэг, эхчүүдэд албан ажил эрхлэх, орлогоо нэмэгдүүлэх, чөлөөт цагтай болж амрах, өөрийгөө хөгжүүлэх боломж гарч, шинээр хоёр ажлын байр бий болсон гэх мэт олон эерэг үзүүлэлтүүд гарсан юм.
 

ХӨТӨЛБӨРИЙН ХЭРЭГЖИЛТ, ҮР ДҮН:

• “Говийн оюу хөгжлийг дэмжих сан”-ийн Удирдах зөвлөлийн 2019 оны нэгдүээр сарын 24-ний хурлын 3 тоот тогтоолоор батлагдсан Зорилтот сумдад жил бүр олгох санхүүжилтийн квотын хүрээнд “Ясли-хүүхэд хөгжил” хөтөлбөрийг хэрэгжүүлсэн.
• Мандал-Овоо сумын ЗДТГ нь “Говийн оюу хөгжлийг дэмжих сан”-ийн “Төсөл, хөтөлбөр санхүүжүүлэх удирдамж”, “Говийн оюу хөгжлийг дэмжих санд ирүүлсэн саналыг хянан үзэх, үнэлэх, шийдвэр гаргах проткол”-д нийцүүлэн эрэмбэлэх, сонгон шалгаруулах ажлын хэсгүүдийн шийдвэрээр хөтөлбөрийг сонгон шалгаруулсан.
• “Говийн оюу хөгжлийг дэмжих сан” нь захиалагч Мандал-Овоо сумын ЗДТГ болон хөтөлбөрийн хэрэгжүүлэгч “Мандал стиль” ХХК-тай санхүүжилтийн гэрээ байгуулсан.
• Хөтөлбөрийн хэрэгжүүлэгч “Мандал стиль” ХХК гэрээний ажлыг хугацаанд нь чанартай хэрэгжүүлснээр Өмнөговь аймгийн Мандал-Овоо сумын мэргэжилтэй боловсон хүчин, төрийн албан хаагчдын цэцэрлэгт хамрагдах насанд хүрээгүй хүүхдүүд аюул осолгүй, ая тухтай орчинд өсөж хүмүүжих, тэдний эцэг, эхчүүдэд албан ажил эрхлэх, орлогоо нэмэгдүүлэх, чөлөөт цагтай болж амрах, өөрийгөө хөгжүүлэх, шинээр хоёр ажлын байр бий болох гэх мэт олон эерэг үр дүнд хүрсэн юм.