ТӨСЛИЙН ҮНДЭСЛЭЛ:
      Улаанбаатар-Даланзадгад, Даланзадгад-Улаанбаатар, Улаанбаатар-Цогтцэций, Улаанбаатар-Ханбогд, Улаанбаатар-Цагаан хад, Улаанбаатар-Гурвантэс сумдын чиглэлийн улсын чанартай авто замаар өдөрт дунджаар 100-150 тээврийн хэрэгсэл зорчиж байна. Тээврийн хэрэгслийн жолооч нар замын хөдөлгөөний аюулгүй байдлыг хангахгүй гүйцэж түрүүлэх, хурд хэтрүүлж явах, мал мөргөх зэрэг ослууд гарсаар байна. 2018 онд зам тээврийн 4, 2019 оны эхний дөрвөн сарын байдлаар 3 зам тээврийн осол Цогт-Овоо сумын нутаг дэвсгэрээр дамжин өнгөрч буй авто зам дээр гарсан байна. Тиймээс сумын төв, гудамж, замын тэмдэгжүүлэлтийг сайжруулж, зам тээврийн осол гэмтлээс урьдчилан сэргийлэх хэрэгтэй байгаа.
 

ТӨСЛИЙН ЗОРИЛГО:
      Цогт-Овоо сумын замын хөдөлгөөний аюулгүй байдлыг хангаж, зам тээврийн осол аваараас урьдчилан сэргийлнэ.
 

ТӨСЛИЙН ХҮРЭЭНД ХИЙСЭН АЖИЛ:
      30 ширхэг замын тэмдэг, 3 ширхэг нараар цэнэглэгч гэрэл, 2 ширхэг хурд сааруулагч байршуулсан

 

ТӨСЛИЙН ХЭРЭГЖИЛТ, ҮР ДҮН:

• Цогт-Овоо сумын иргэд болон тус сумын нутаг дэвсгэрээр дайран өнгөрч буй авто тээврээр зорчигчид, явган хүн болон жолооч нарыг зам тээврийн ослоос урьдчилан сэргийлэхэд нэмэр оруулж байна.
• Төсөл хэрэгжих явцад 7 хүн түр ажлын байраар хангагдсан.
• Цогт-Овоо сумын 620 иргэн байнгын үр шим хүртэж өдөрт зорчин өнгөрч буй 100-150 хүний амь нас эрсдэхээс хамгаалж байна.