ТӨСЛИЙН ҮНДЭСЛЭЛ:
Цогт-Овоо сумын хэмжээнд сумын төвд 247 өрхийн 620 иргэн оршин суудаг. Мөн малчин иргэд, авто замаар зорчигчид сумын төвөөр зорчин өнгөрдөг бөгөөд суманд үзүүлэх төрийн үйлчилгээ, урлаг соёл, олон нийтийн арга хэмжээний тухай мэдээ мэдээллийг төвийн зарлал дээр байршуулж цахим байдлаар фэйсбүүк дээр тавьдаг. Гэвч зарим мэдээллийг түргэн шуурхай авч чадаагүй, сумын төвд байгаагүй учраас сонсоогүй, фэйсбүүк ашигладаггүй гэх мэт олон шалтгаанаас болж мэдээ мэдээлэл аваагүй үлдсэн, олон нийтийн үйл ажиллагаанд оролцоогүй учраас үзэл бодлоо илэрхийлэх боломжгүй хоцорсон гэх асуудал гардаг. Тиймээс олон нийтэд мэдээ мэдээллийг түргэн шуурхай хүргэх, иргэдийн оролцоог нэмэгдүүлэх байдлыг сайжруулах, зарын узель, цагаан хоолойтой болох шаардлагатай байгаа.
ТӨСЛИЙН ЗОРИЛГО:
Узель, зар мэдээний техник, тоног төхөөрөмжийг цахилгааны утасны хамт худалдан авснаар сумын иргэдэд төрийн болон төрийн бус байгууллагын үйл ажиллагаа, хурал цуглаан, цаг үеийн мэдээ мэдээллийг түргэн шуурхай, цаг алдалгүй хүргэнэ.
ТӨСЛИЙН ХҮРЭЭНД ХИЙГДЭХ АЖИЛ:
Цогт-Овоо сумын соёлын төвд дараах тоног төхөөрөмж, хэрэгслүүдийг нийлүүлсэн.
| № | Нийлүүлэх тоног төхөөрөмж, хэрэгслүүд | Тоо ширхэг |
| 1 | Гаралтын өсгөгч /u-6300/ | 1 |
| 2 | Чанга яригч цагаан хоолой /U-308/ | 4 |
| 3 | Ширээний микрофон /Be-zze/ | 1 |
| 4 | Компьютер ком /ком/ | 1 |
| 5 | Кабель утас /м/ | 4500 |
| 6 | Цахилгааны утас /м/ | 300 |
ТӨСЛИЙН ХЭРЭГЖИЛТ, ҮР ДҮН:
- Дэнж хороололд 1 ширхэг цагаан хоолой, Бумбат, Хараат хороололд 2 ш, сургуулийн хороололд 1 ширхэг цагаан хоолой байршуулж, Цогт-Овоо сумын соёлын төвд өсгөгч, ширээний микрофон, компьютер, кабель утас, цахилгааны утас нийлүүлсэн.
- Иргэд зарлал, мэдээллийг шуурхай, цаг алдалгүй авдаг болсон
- Цогт-Овоо сумын төвийн 620 иргэдийн өдөр тутмын амьдралд салшгүй үүрэг гүйцэтгэнэ.