ТӨСЛИЙН ҮНДЭСЛЭЛ:
       Цогт-Овоо сум төвлөрсөн эрчим хүчний системд 2008 онд холбогдсон боловч Багануурын цахилгаан дамжуулах төв болон зам зуурын аймаг сумдын дамжуулах станц, шугамын гэмтэл, засварын ажлаас шалтгаалан дунджаар жилийн 20-30 хоногт цахилгаан тасрах тохиолдол гардаг. Энэ үед иргэдэд хүргэх төрийн үйлчилгээ, соёл, боловсрол, эмнэлгийн үйлчилгээ тасалддаг бөгөөд төвийн эрчим хүчний цахилгаан тасарсан үед ашиглах цахилгаан үүсгүүртэй байх хэрэгцээтэй байна.
 

ТӨСЛИЙН ЗОРИЛГО:
      Цахилгаан үүсгүүр, цахилгааны утастай хамт худалдан авснаар сумын ЗДТГ, соёлын төв, цагдаагийн хэсэг, сургууль цэцэрлэгийн үйл ажиллагааг хэвийн явуулж, хурал цуглаан зохион байгуулж, эмнэлгийн яаралтай тусламжийн үйлчилгээг төвийн цахилгаан эрчим хүч тасарсан үед ч зөөврийн цахилгаан эх үүсвэрийн тусламжтайгаар хэвийн хүргэнэ.
 

ТӨСЛИЙН ХҮРЭЭНД ХИЙСЭН АЖИЛ:

• Япон улсад үйлдвэрлэсэн зөөврийн цахилгаан үүсгүүр худалдан авсан- (ELEMAX-SH7600EX).
• Солонгос улсад үйлдвэрлэсэн, 300 метр цахилгааны кабель авсан.
• 2.8x2.8 метрийн харьцаатай блокон барилга барьсан.

ТӨСЛИЙН ХЭРЭГЖИЛТ, ҮР ДҮН:

• Төслийн хүрээнд нийлүүлэх цахилгаан үүсгүүр болон барилга бүрэн хүлээлгэж, 3 байгууллага холбогдсон.
• Цаашид шаардлага гарсан тохиолдолд зөөврийн эрчим хүчээр хангах боломж бүрдсэн.