ТӨСЛИЙН ҮНДЭСЛЭЛ:
     Өмнөговь аймгийн хувьд 2018 онд хэрэглээний зээл 218.7 тэрбум төгрөг болж өнгөрсөн оны мөн үеэс 97.6 хувиар өссөн бөгөөд нийт чанаргүй зээлийн 55.9 хувийг хэрэглээний зээл буюу автомашин, баяр ёслол, сургалтын төлбөр, амьдралын анхан шатны хэрэгцээнд зориулан авч байгаа нь иргэдэд санхүүгийн боловсрол шаардлагатай байгаа, өрхийн санхүүгээ зөв зүйтэй удирдан авч явах чадвар, дадал зуршил дутагдаж байгаагийн нэгэн илрэл билээ. Тиймээс иргэд олон нийтийн санхүүгийн боловсролыг дээшлүүлж, өрхийн санхүүгийн нөхцөл байдалд эерэг өөрчлөлт хийх хэрэгцээ шаардлага байна.
 

ТӨСЛИЙН ЗОРИЛГО:
     Өмнөговь аймгийн 460 гаруй иргэнд өрхийн санхүүгээ зөв удирдах мэдлэг чадвар олгох сургалт зохион байгуулна.
 

ТӨСЛИЙН ХҮРЭЭНД ХИЙГДЭХ АЖИЛ:
     Дараах сэдвээр Даланзадгад сумын 8 багийн нийт иргэд, эмэгтэйчүүд, зорилтот бүлгийн иргэдэд сургалт явуулсан. Үүнд:

• Улс орон болон аймгийн эдийн засгийн нөхцөл байдал, бүтээгдэхүүний үнийн өсөлт ба валютын ханш
• Мөнгөө хэрхэн удирдах вэ?
• Хуримтлал ба зээл, тэтгэвэр
• Өрхийн төсөв, санхүүгийн луйвар, эрсдэлүүд

ТӨСЛИЙН ХЭРЭГЖИЛТ, ҮР ДҮН:

• Даланзадгад сумын 8 багийн 620 иргэнд сургалт явуулсан
• 473 эмэгтэй, 147 эрэгтэйчүүд хамрагдсан
• Насан туршийн боловсролын төвийн Өмнөговь аймаг дахь салбартай хамтран ажиллаж сургалтуудыг тогтмолжуулахаар тохиролцсон.