ТӨСЛИЙН ҮНДЭСЛЭЛ:
     Даланзадгад сумын 3 дугаар сургуулийн төсвийн хүндрэлээс шалтгаалан номын сангийн орчин нөхцөлийг сайжруулж чаддаггүй байсан. Сургуулийн номын  санд цахим үйлчилгээ байхгүйн улмаас сурагчид номыг эрж хайхад ихээхэн хугацаа зарцуулдаг, заримдаа сурагчид хэрэгцээтэй номоо олж уншиж чадахгүй
зэрэг бэрхшээл байсан тул номын сангийн үйл ажиллагаанд орчин үеийн технологи нэвтрүүлэх шаардлагатай байсан.
 

ТӨСЛИЙН ЗОРИЛГО:
     Сургуулийн номын сангийн техник тоног төхөөрөмжийг сайжруулан цахим номын сангийн үйлчилгээг үзүүлж хүүхэд залуучуудыг номтой нөхөрлүүлэн бүтээлчээр хөгжүүлэх, орчин үеийн шаардлагад нийцсэн тав тухтай номын сан бүрдүүлэх зорилготой.
 

ТӨСЛИЙН ХҮРЭЭНД ХИЙГДЭХ АЖИЛ/ТӨСӨВ:
     Даланзадгад сумын 3 дугаар сургуулийн номын санг номын санд тусгай зориулалтын КОХА программыг суулган дараах техник хэрэгслийг нийлүүлэх:

• Компьютер, 3 үйлдэлт өнгөт принтер
• Принтер /формуляр бар кодны цаас/
• Бар код уншигч, каталог, формуляр бар кодны цаас

ТӨСЛИЙН ХЭРЭГЖИЛТ, ҮР ДҮН:

• Номын сангийн орчин нөхцөл үйл ажиллагаанд тавигдах ерөнхий шаардлага хангагдсан.
• Сурагчид болон үйлчлүүлэгчдийн цаг хугацааг хэмнэж, хэрэгцээтэй байгаа номыг нь хурдан шуурхай олж өгч үйлчлэх нөхцөл бүрдсэн.
• Номын сангийн орчин нөхцөл сайжирсан
• Төсөл хэрэгжсэнээр 1300 гаруй сурагч, багш ажилчид үр шимийг нь хүртсэн.