ТӨСЛИЙН ҮНДЭСЛЭЛ:
     Дэлхийн Эрүүл Мэндийн Байгууллагын тодорхойлолтын дагуу тусгай хэрэгцээт иргэдийн тоонд хөгжлийн бэрхшээлтэй иргэд болон өндөр настнууд ордог байна. Өмнөговь аймгийн хувьд 65,645 иргэн байгаагаас 2018 оны байдлаар 8.7% -нь 55‑аас дээш насны иргэд, мөн 1694 хөгжлийн бэрхшээлтэй иргэд байна. Тиймээс Өмнөговь аймгийн хувьд тусгай хэрэгцээт 7000 гаруй иргэд байгаа нь Өмнөговь аймгийн нийт иргэдийн 10.8 хувийг эзэлж байгаа юм. Эдгээр иргэд нийгмийн амьдралд бүрэн дүүрэн оролцох, боловсрол эзэмшин ажиллахад тулгардаг хамгийн эхний том саад бол барилга байгууламж, зам, нийтийн тээврийн хүртээмжгүй байдал буюу дэд бүтцийн хүртээмжгүй байдал байдаг. Тиймээс төрийн үйлчилгээг илүү хүртээмжтэй болгох шаардлагатай байгаа.
 

ТӨСЛИЙН ЗОРИЛГО/ХИЙХ АЖИЛ:
     Өмнөговь аймгийн иргэд тэр тусмаа Даланзадгад суманд оршин суудаг 3000 гаруй тусгай хэрэгцээт иргэдийн төрийн үйлчилгээний хүртээмжийг нэмэгдүүлэх зорилгоор SA-S загварын шатаар буулгагч төхөөрөмжийг Даланзадгад сумын ЗДТГ-т нийлүүлнэ.
 

ТӨСЛИЙН ХЭРЭГЖИЛТ, ҮР ДҮН:

• Өмнөговь аймгийн 55-аас дээш насны 5711 иргэн, хөгжлийн бэрхшээлтэй 1694 иргэн, нийт 7405 иргэний төрийн үйлчилгээг саадгүй авах боломж бүрдэнэ
• Даланзадгад сумын ЗДТГ-ын эзэмшилд нийтэд хүртээмжтэй SA-S загварын шатаар зөөвөрлөх 1 ширхэг төхөөрөмж нийлүүлсэн