ТӨСЛИЙН ҮНДЭСЛЭЛ:
      Монгол Улсад орчин цагийн угсаатны зүйн шинжлэх ухаан үүсэж хөгжөөд 60 гаруй жилийн түүх уламжлалтай томоохон салбар болон хөгжиж иржээ. Монголын угсаатны зүйн судалгаа бол эрт цагаас уламжлалтай, дотоодын төдийгүй олон улсын эрдэмтэн судлаачдын ихэд сонирхдог салбар юм. Монгол Улсын Соёлыг хамгаалах тухай хуулинд “Сум, дүүргийн Засаг дарга соёлыг хамгаалах, эрэн сурвалжлах, бүртгэх, хяналт тавих ажлыг зохион байгуулах” гэж заасан байдаг. Өмнөговь аймаг 2019 оныг “Соёлыг дэмжих жил” болгон зарласантай холбоотойгоор Баян-Овоо сумын нутаг дахь түүх, археологи, угсаатны зүйн холбоотой мэдээллийг цуглуулах, тус сумын Налих, Харзаг багийн малчин иргэдтэй уулзан газар нутгийн тухай мэдээлэл цуглуулах, мэдээллийн сан бүрдүүлэх, улмаар газар нутгийн нэршлийг мартагдахаас сэргийлэх, хойч үедээ өвлүүлэх чухал ач холбогдолтой юм.
 

ТӨСЛИЙН ЗОРИЛГО:
      Баян-Овоо сумын нутаг дахь түүх, археологи, угсаатны зүйн холбоотой мэдээлэл цуглуулах, шинээр дурсгалт газруудыг олж тогтоох, мэдэгдэж буй дурсгалуудыг очиж шалгах, орон нутгийг судлах музейн сан хөмрөгт хадгалагдаж буй үзмэр, олдворуудыг тайлбаржуулах, сумын түүх, археологи, угсаатны зүйн системтэй мэдээллийн сан бүрдүүлэх, төрөл бүрийн газрын зураг бэлтгэх, түүх соёлын дурсгалыг хамгаалах, хадгалах талаар зөвлөмж боловсруулж гарын авлага гаргах зорилготой.
 

ТӨСЛИЙН ХҮРЭЭНД ХИЙГДЭХ АЖИЛ:

• Угсаатны зүйтэй холбоотой мэдээлэл цуглуулах, судалгаа хийх
• Мэдээллийн сан, товхимол бүрдүүлэн, хүлээлгэн өгөх

ТӨСЛИЙН ҮР ӨГӨӨЖ:

• Түүх археологийн нэгдсэн мэдээллийн сантай болно.
• Орон нутаг судлах музейн үзмэрийг тайлбаржуулах, музейн сан хөмрөгийг баяжуулах
• Сумын түүх соёлын өвийн хадгалалт, хамгаалалтын талаар төлөвлөгөө, чиглэл бүхий гарын авлага, материал хүлээлгэн өгнө.

ТӨСЛИЙН ХЭРЭГЖИЛТ, ҮР ДҮН:

• Баян-Овоо сумын Налих, Харзаг багийн малчин иргэдтэй уулзан газар нутгийн нэршлийг тодорхойлж, 200 гаруй нэрийн сан бүрдүүлж цуглуулж, уг газруудыг газрын зурган дээр тэмдэглэх, зэргэлдээ буюу хавь орчинд нь орших уул толгод, гол устай жишин тэмдэглэсэн.
• Орчин цагийн газар усны нэрсийг тодорхойлон сан үүсгэсэн.
• Сумын газар, усны домог, хууч яриаг ахмадуудаар яриулан сан үүсгэсэн.
• Соёлын биет бус өвийг хадгалж, хамгаалах тухай зөвлөмж гаргасан.