ТӨСЛИЙН ҮНДЭСЛЭЛ

Баян-Овоо сумын ЕБДСургуулийн дотуур байр нь ашиглалтанд орсон цагаасаа хойш их засварт орж байгаагүй. Сургуулийн сурагчдын байр нь агааржуулалтгүй дээврээсээ ус гоожин, хана тааз нь цуурч, цонхнууд нь маш ихээр хагарч, цахилгааны холболт эрсдэлтэй болж хүүхэд амьдрах орчин эрүүл ахуй аюулгүй байдалд эрсдэл учирч байгаа, мөн сүүлийн жилүүдэд буюу 2010 оноос  хойш  хүн амын төрөлт ихсэж, нутгийн хүн ам тогтвортойгоор өсөх судалгаа гарч байна. Өмнөх жилүүдэд дунджаар 20-25 хүүхэд шинээр элсэх төрөлттэй байсан.   

Ирэх 5 жилд элсэх сурагчдын тоон үзүүлэлийг харуулвал 2017 онд 40 хүүхэд элсэх, 2018 онд 35 хүүхэд элсэх, 2019 онд 46 хүүхэд элсэх, 2020 онд 40 хүүхэд элсэх, 2021 онд 34 хүүхэд элсэх судалгаатай байгаа. Эдгээр хүүхдийн 60 орчим хувь нь малчдын хүүхэд тул дотуур байрны хүчин чадлаа нэмэгдүүлэх, орчин үеийн шаардлага стандандартад нийцсэн дотуур байрны барилгын зураг төсөл хийлгэх хэрэгцээ гарч байна. 

ТӨСЛИЙН ЗОРИЛГО

• Сурагчдын дотуур байрны орчин нөхцөл сайжрах, стандарт шаардлага бүхий барилгын шинэ зураг төсөлтэй болно. 
• Зураг төсөл бэлтгэгдсэнээр хөрөнгө оруулагчид хандах болон улсын төсвөөр барилга байгууламжийг бариулах нөхцөл бүрдэнэ.

ТӨСӨЛ ХЭРЭГЖСЭНЭЭР ХҮРЭХ  ҮР ДҮН

•   Орчин үеийн стандарт шаардлага хангасан сургуулийн 120 хүүхдийн дотуур байрны зураг төсөлтэй болно. 
•   Цаашлаад барилга байгууламж баригдсанаар сургуулийн сурагчид, ажиллагсад, дотуур байранд амьдардаг сурагчдын амьдрах орчин, сургалтын орчин сайжирна. 
•   Малчин эцэг эхчүүдэд хүүхдүүдээ тав тухатай орчинд амьдрах боломжоор хангагдана.