ТӨСЛИЙН ҮНДЭСЛЭЛ:
Цогт-Овоо сумын төвд 8400 ширхэг мод, 44 метр квадрат талбайд зүлэг, 90 метр квадрат талбайд цэцгийн мандал, 68 ширхэг олон наст цэцэг ургуулж байна. Авто замын дагуу болон гудамж талбай, цэцэрлэгт хүрээлэнд тарьсан эдгээр ногоон байгууламжийг услах ажил зориулалтын усны машингүйгээс ихээхэн бэрхшээлтэй байдаг. Мөн сумын хэмжээнд гал унтраах машингүйгээс 2017, 2018 онуудад гарсан галыг унтрааж чадаагүй тул 2 өрхийн гэр, 3 айлын өвөлжөө, мөн 2 автомашин шатсан. Сумын төвөөс алслагдсан айл өрхүүд, малын өвчин гарсан үед постонд ажиллах ажилчид болон зарим хэрэгцээт газар ундны болон ахуйн ус зөөвөрлөх автомашин хэрэгтэй байдаг.
ТӨСЛИЙН ЗОРИЛГО:
Сумын хэрэгцээнд ашиглах машинтай болсноор мод, зүлэг тогтмол услах, гал унтраах болон ус зөөвөрлөх боломжтой болно.
ТӨСЛИЙН ХҮРЭЭНД ХИЙГДЭХ АЖИЛ:
Дараах тодорхойлолт бүхий 30 сая төгрөгийн төсөвт багтах мод услах, гал унтраах, ундны болон хэрэглээний ус зөөвөрлөх машиныг Цогт-Овоо сумын ЗДТГ нийлүүлнэ
| № | Техникийн тодорхойлолтын нөхцөл | Тодорхойлолт |
| 1 | Үйлдвэрлэсэн улс | Япон, Солонгос, Хятад |
| 2 | Зориулалт | Мод зүлэг услах, гал унтраах, ундны ус зөөвөрлөх |
| 3 | Үйлдвэрлэсэн огноо | 2015 оноос хойш |
| 4 | Монгол Улсад орж ирсэн огноо | 2018 оноос хойш |
| 5 | Моторын багтаамж | 95 мориноос дээш хүчин чадалтай |
| 6 | Хурдны хайрцаг | Механик |
| 7 | Жолооны хүрдний байрлал | Стандарт/зүүн/ |
| 8 | Цилиндрийн тоо | 6 |
| 9 | Гүйлт | 500 км-ээс ихгүй |
| 10 | Хаалганы тоо | 2 |
| 11 | Суудлын тоо | 2 |
| 12 | Шатахууны төрөл | Бензин, дизель |
| 13 | Нэмэлт дугуйны тоо | 2 |
| 14 | Шатахууны зарцуулалт | 100 км-т 10 л бага |
| 15 | Даац | 3.5 т-оос дээш, мосттой |
| 16 | Ёмкостийн багтаамж | 3м куб-с дээш никель дотортой |
| 17 | Тэнхлэгийн тоо | 2 нумтай |
| 18 | Нэмэлт тайлбар | Урд, хажуу, хойноо шүршигчтэй, ардаа зориулалтын усны буутай, 20-30 метрийн зайд цацдаг, усны буу нь 10 метрээс дээш шланктай, усыг өөрөө сордог, гадагш түгээх зориулалттай |
ТӨСЛИЙН ҮР ӨГӨӨЖ:
- 2 ажлын байр шинээр бий болно.
- Сумын төвийн бүх ногоон байгууламжийг хуваарийн дагуу тогтмол усална
- Гал түймрийн аюул гарсан тохиолдолд богино хугацаанд галыг унтраах
- Хүн амын ундны усны хэрэгцээний дагуу шаардлагатай үед зөөврийн
- машинаар ус хүргэх ажлыг бүрэн хэрэгжүүлнэ
ТӨСЛИЙН ХЭРЭГЖИЛТ, ҮР ДҮН:
Зориулалтын автомашин нийлүүлсэн