ТӨСЛИЙН ҮНДЭСЛЭЛ:
Хөдөө орон нутгийн соёлын байгууллагын үйл ажиллгаа сайн байх нь иргэдэд чөлөөт цагаа зөв боловсон өнгөрүүлэх, уран бүтээл хийх боломж олгох соён гэгээрүүлэх, соёл хүмүүжлийн ажлыг шинэлэг арга барилаар зохион байгуулж иргэдийг өргөнөөр хамруулах, тэдний сум орон нутагт ажиллах идэвх сонирхлыг дэмжих, хүүхэд залуучуудын авьяас билгийг нээн хөгжүүлэх зэрэг олон талын ач холбогдолтой байдаг. Цогт-Овоо сумын хувьд материаллаг бааз дутагдалтай байгаагаас шалтгаалан иргэд өөрсдийн хувцас хэрэгслийг ашиглах, бусдаас хувцас хэрэгсэл, тоног төхөөрөмж түрээслэх зэргээр соёл урлагийн ажил зохион байгуулж байна.
ТӨСЛИЙН ЗОРИЛГО:
Орчин үеийн соёл урлагийн үйл ажиллагаа явуулахад шаардлагатай өнгө үзэмжтэй хувцас хэрэглэлтэй болж үзэгчдийн таашаалд нийцсэн урлаг, уран бүтээлийг үзэгчдэд чанарын өндөр түвшинд хүргэх, ардын авьяастныг дэмжих, залуучуудын хөдөө орон нутагтаа идэвх сонирхолтой амьдрах нөхцөл боломжийг бүрдүүлэхэд оршино
ТӨСЛИЙН ХҮРЭЭНД ХИЙГДЭХ АЖИЛ:
Дараах хувцас хэрэгслийг Цогт-Овоо сумын соёлын төвд нийлүүлсэн:
| № | Төрөл | Тоо |
| 1 | Хүүхдийн хуурчны хувцас | 20 |
| 2 | Том хүний хуурчны хувцас | 15 |
| 3 | Хүүхдийн үндэсний хөгжмийн дээл | 15 |
| 4 | Том хүний үндэсний хөгжмийн дээл | 15 |
| 5 | Гоцлол хөгжимчний дээл | 1 |
| 6 | Цахилгаан хөгжмийн хамтлагийн хувцас | 6 |
| 7 | 2 төрлийн ардын бүжгийн хамтлагийн хувцас | 24 |
| 8 | Гоцлол бүжгийн дээл | 2 |
| 9 | Эрэгтэй бүжигчдийн хувцас | 4 |
| 10 | Бүжгийн гутал | 14 |
| 11 | Гоцлол дуучны дээл | 6 |
| 12 | Эмэгтэй цөөхүүл дуучны хувцас | 4 |
| 13 | Эрэгтэй цөөрүүл дуучны хувцас | 4 |
| 14 | Хөтлөгчийн дээл | 2 |
| 15 | Хослол дуулаачдын дээл | 2 |
| 16 | Эмэгтэй ажилчдын ёслол хүндэтгэлийн хувцас | 2 |
| 17 | Эрэгтэй ажилчдын ёслол хүндэтгэлийн хувцас | 3 |
| 18 | Язгуур урлагийн дээл | 8 |
| Нийт | 147 |
ТӨСЛИЙН ҮР ӨГӨӨЖ:
- Цогт-Овоо сумын 450 айлын 1200 иргэн, хил залгаа аймаг сумдын иргэдэд соёл урлагийн үйл ажиллагааг хүртээмжтэй, чанартай хүргэж байна.
- Сум орон нутгийн урлаг, соёлын хүмүүжлийн ажлын цар хүрээ, чанар дээшилсэн
- Хэрэгцээтэй хувцас хэрэглэлтэй болсноор залуучуудын хэрэгцээ шаардлагыг хангасан үйл ажиллагаа зохион байгуулж тэдний оролцоог дэмжихэд дөхөмтэй болсон.
ТӨСЛИЙН ХЭРЭГЖИЛТ, ҮР ДҮН:
Цогт-Овоо сумын соёлын төвд 18 нэр төрлийн 147 ширхэг хувцас, хэрэглэл нийлүүлсэн.