ТӨСЛИЙН ҮНДЭСЛЭЛ, ХЭРЭГЦЭЭ
ШААРДЛАГА

Даланзадгад суманд 2015 оны байдлаар сургуулийн өмнөх насны нийт 2,763 хүүхэд байснаас 1,958 хүүхэд цэцэрлэгт хамрагдаж 805 хүүхэд сургуулийн өмнөх боловсрол эзэмшиж чадахгүй гэртээ байсан. 2015 онд нийт долоон цэцэрлэг үйл ажиллагаа явуулж байсан бөгөөд эдгээр цэцэрлэгийн стандарт анги дүүргэлт 25 хүүхэд боловч нэг ангид 34-48 хүүхэд сурч хүмүүжиж байсан.

ТӨСЛИЙН ХҮРЭЭНД ХИЙСЭН АЖИЛ

Өмнөговь аймгийн ЗДТГ-ын захиалгаар Даланзадгад сумын шинэ суурьшлын бүсэд байрлах 25-р цэцэрлэгийн барилга угсралтын ажлыг “Хүннүгийн говь” ХХК 2015 оны 8 дугаар сарын 24-өөс 2016 оны 1 дүгээр сарын 25- ны хооронд хийж гүйцэтгэн улсын коммист хүлээлгэн  өгснөөр улмаар 2016 он 4 дүгээр сарын 19-ний өдөр уг цэцэрлэгийн нээлтийн ёслол болж өдгөө үйл ажиллагаа жигдрэн хүүхэд багачуудын дуу цангинасан өргөө болж чаджээ.

ТӨСЛИЙН ҮР ӨГӨӨЖ

Даланзадгад сумын сургуулийн өмнөх боловсрол эзэмшиж чадахгүй байсан 805 хүүхдээс 175 нь шинээр баригдсан 25-р цэцэрлэгт хамрагдан үе тэнгийнхэнтэйгээ сурч хүмүүжиж байна. Уг цэцэрлэгт орон нутгийн 33 хүн байнгын ажилтай болсон бөгөөд 175 хүүхдийн эцэг эх хөдөлмөр эрхлэх боломжтой болсон.