ТӨСЛИЙН ҮНДЭСЛЭЛ:
      Төрийн үйлчилгээний цахим машин буюу ТҮЦ машиныг Үндэсний Дата төвийн мэдээллийн баазад түшиглэн анх үйлчилгээнд нэвтрүүлээд арав гаруй жил болсон байна. Энэ үйлчилгээ өргөжин тэлсээр Засгийн газрын Цахим үндэстэн хөтөлбөрийн хүрээнд хот, дүүрэг, аймаг, сум бүрд Е-Mongolia, хурдан системийн үйлчилгээг нэвтрүүлж төрийн 6 төрлийн үйлчилгээ, 16 төрлийн лавлагааг иргэд, байгууллагуудад түргэн шуурхай хүргэн ажиллахаар зорин ажиллаж билээ. Тиймээс Баяндалай сумын ЗДТГ дээрх үйлчилгээг сумандаа нэвтрүүлэх шаардлагатай байгаа.
 

ТӨСЛИЙН ЗОРИЛГО:
      Иргэд, бизнес эрхлэгчдэд төрийн үйлчилгээг хүртээмжтэй, түргэн шуурхай, чирэгдэлгүй, хүнд сурталгүй, ил тод хүргэх, төрийн албан хаагчдын ажлын ачааллыг бууруулах.
 

ТӨСЛИЙН ХҮРЭЭНД ХИЙГДСЭН АЖИЛ:
      Баяндалай сумын ЗДТГ-т төрийн үйлчилгээний цахим киоск машин, шаардлагатай программ, дагалдах хэрэгслүүдийн хамт нийлүүлсэн.

ТӨСЛИЙН ҮР ДҮН:

• Баяндалай сумын иргэд, бизнес эрхлэгчид төрийн 6 төрлийн үйлчилгээ, 16 төрлийн лавлагааг түргэн шуурхай, чирэгдэлгүй авах боломж бүрдэнэ.
• Төрийн албан хаагчдын ажлын ачааллыг бууруулсан.
• Цахим машинд үйлчлүүлсэн хэрэглэгчдийн тоо, хандалт авсан үйлчилгээний чиглэл тус бүрээр машинд автоматаар бүртгэгдэж статистик судалгаа болно.